升中選校問題,請進......

聖公會林護一支獨秀

新界西4校網中，元朗和屯門的學校數目最多，分別有36及38間。荃灣雖然只有13間中學，但區內有3所中學的會考整體及格率均逾70%，比率頗高。

葵青區的表現就更突出，該區有33間中學，當中9間的2004年會考整體及格率達70%以上。區內英中聖公會林護紀念中學更在新界西學校中排名榜首，會考整體及格率和英文科及格率均超過99%，逾98%的中七畢業生能入讀本地大學。

我認為文、理科比較下，偏重於理科。
安柱係中六收生既成績，理科需22-23分，文科則18-19，
但只可以睇到要求比文科為高。
而宜家中四既班級內，
有三班文科、兩班理科。
安柱既文學件品一向受外界讚揚，
最近幾位同學和駐校作家合作既文集，
被不少既學校訂購，
成為學生必讀書籍之一。
所以文、理科既發現係安柱一樣受到重視

我讀安柱嫁！我自已讀安柱都覺得間學校好好。
上堂氣氛好好，輕鬆得黎又學到野。而且都唔算好嚴好嚴…
同埋D考試/功課都係同將來掛勾，姐係例如，我地F.1-3 D課程,D試卷都對會考好有幫助。
D老師都係好老師。
同埋如果你讀林護會好大壓力嫁！
我建議你讀安柱。
(p.s.如果你係女仔，安柱個PE女老師會好變態XD)

其實兩間都好勁,,但係我個人同d老師都覺得林護好好多,林護過去5年會考獲5科合格ge學生達99.4%,,音樂超勁,,拎過好多獎!朗誦,數學,合唱團分別拎左好多獎,係區內好多人報ge band1中學!
其實升中學ge意願依自己ge喜好比較好,因為如果你唔想入林護ge話,但係你又揀左,,將來你好容易會後悔!
安柱同林護都有自己ge好處,視乎你自己ge喜好,,林護ge成績比安柱好,但係老實講,真係好大壓力,如果你驚自己負荷唔到,,我就建議你揀安柱,,因為佢地都不相仲,,係葵青區數一數二ge band1中學!
但係如果你呀爸呀媽都係叫你揀林護,,而你自己又唔願意,,我建議你可以平心靜氣坐低同佢地傾傾,,講出自己ge選擇,自己ge意願,,同佢地講你想入安柱,,唔想等第時7月10日派位果日先後悔,第時就太遲!
升中學係關乎自己ge一生前途,,其實我都好明白你ge感受,,因為我都係同你一樣係6年級ge學生!要升中學!而我自己,,都好矛盾........而家要升中學ge係你,而唔係你呀爸呀媽,只要你講出自己ge感受,,相信佢地一定會支持你!
希望你可以作出自己最恰當ge決定,,唔好將來先後悔!
best wishes~

林護較好，
無論其讀書風氣，同埋公開試成績都有一定保障。
若果你想你公開試成績好，就一定要揀林護。
不過你有心理準備，入面讀書會讀到人都傻，
因為入面既讀書風氣，同教師壓迫，令學生不斷讀書，可能會好大壓力。
所以公開試成績，亦為葵青區學校中，首列頭幾名，會考平均達97%。

而安柱雖然唔差，但一定唔會比林護好。
不過好處就是，讀書壓力一定比讀林護細。
所以前途而言，林護實是首選。

純粹個人意見，可以作為參考，最好你自己可以問多d其他專業人士。

林護好,全港排50幾
不過參考好,要你自己選

我選了林護中學,不選安柱,我認為林護好啲。