拍左拖3年幾，忘記唔到...

我好明白你依家既感覺
因為我同你一樣, 有過一段差不多四年既愛, 而且係我既初戀
只要你們曾經真心愛過, 這已經是你一生中無悔的事
要永恆地相愛, 真係唔易
三年的日子, 不長也不短, 分手了, 心的確很痛
特別夜晚, 更加會回想起一切跟他的事
慶幸的是, 你們有不少的快樂記憶, 這些都是你跟他獨有的愛情禮物
即使到了八十歲, 回想起, 也會令你微笑
失去的一刻, 真的很難受
但你自己都知道大家一直都唔夾
依家放開, 讓大家尋找更適合一生一世的人, 不是更好麼?
你一d都唔幼稚, 你會心痛, 會哭, 是因為你們真心的相愛過
真感情的確付出過
想要令自己感覺好一點, 嘗試多找點事做
別讓自己過份沈溺於負面情緒中, 否則只會一直意志消沈, 哭腫了雙眼也沒用, 因為都已成了定局
嘗試釋放自己
也許今天, 你會用一天的90%的時間去哭,
但告訴自己, 明天我要認識這世界多一點, 少流淚一點,
身邊還有家人, 朋友, 還有更多的人和事在未來等著你
慢慢, 你就會開始習慣了沒有他的日子, 接受他離開了你的世界的事實
到時, 你只會用一星期的50%時間去憂傷
再告訴自己, 沒有了他, 你仍然要好好生活著, 努力裝備自己, 因為永遠不知道真正的幸福何時出現
告訴自己, 別再哭了, 傻瓜! 要學會感激他給了你一後美好的愛情
只是因為太了解,而分開了
也許有天再碰面, 會有點陌生, 但你們畢竟也曾牽手走過一段路
過多點日子, 也許他身邊會出現另一個她, 這也許會令你有點難受

或許, 有時你會拿起他送你的小東西來看看, 感受當初的他
但慢慢你要學會把這些都收起來
要知道,即使傷口好了,也會有道傷痕
愈去觸碰傷口, 愈難瘉合
別怕, 這也是愛情傷口瘉合的過程

如今我也會偶爾想起他, 但當初分手的痛慢慢減少了
當你把視線轉移到其他人和事上, 精神的負擔會慢慢減少
希望你可以盡快投入新生活^^

其實為1個人付出過都係值得開心`
你冇可能去計較佢有幾愛自己,,
更加冇辦法要求佢1定愛你..
大家已經係成年人,,要識去點面對事實~
將心情投入返你生活GE其他部份..
去享受佢地,,心情自然會好少少..
3年幾是1個唔短GE時間,,
好多時你同佢1齊做既事成為左習慣~
起初要忘記係難D架...仲掛住佢都正常呀..
你又唔係冷血動物,,當然會放唔低啦..
不過比個機會自己重新開始啦~
可以GE話去下旅行...心情會舒服D!!

唔需要刻意去忘記，當係一個回憶都好。
我曾經有個拍左拖1年既男友，大家都好鐘意對方。
之後佢突然間話要去外國讀書，叫我唔好等佢，
佢用盡辦法要我忘記佢，結果佢去左3年。
頭1年我同佢keep住電話聯絡，
第2年有書信，同埋佢有咩需要我都會寄俾佢，
第3年差唔多冇聯絡。
到佢返黎既時候成個人變晒，3年將一個人由頭到腳改變左。
最初我以為我唔可以忘記佢，到最後我地將愛情變做友情。
有時講返起以前既野就好似尋日既事，大家有講有笑，仲好過以前拍拖果陣。
俾d時間大家，將愛情沖淡，令佢變做友情既時候你就冇咁痛。

我最近都有個FD分左手，個女仔本身好堅強、又靚又有錢… 佢之前拍過好多次拖，最近呢個拍左差唔多兩年，佢都已經諗住同個男仔結婚o勒！點知俾佢發現個男仔同第二個女仔有不尋常o既SMS往來，跟住佢地經過冷靜期...再係埋一齊之後，終於係分手收場！

一個咁堅強o既女仔，竟然係我面前喊到收唔到聲，雖然明知個男人唔啱，但係自已都係放唔低佢！

其實，兩個人去到分手階段，總有一個人會比較傷心 / 難過 / 唔捨得 (通常係受害一方)。但係想深一層，如果將來o既愛情只係單方面付出，咁免強再係埋一齊，遲早有一日會再分開。既然你男友都斬釘截鐵咁叫你唔好再搵佢，咁你唯一可以做o既係等時間沖淡悲傷，再重新振作，以將來要活得比佢好為目標！

如果呢段時間情緒失控的話，最好有家人或朋友陪住，有問題要同佢地傾，唔好自己係度鑽牛角尖！

等情緒穏定後，可以搵一D嘢學下或者去做下義工，生活自然會充實D！

記著免強無幸福，將來等真命天子出現，你可能會多謝現在這位前度男友肯咁早放手！

祝一切順利！

如果係鼓勵同支持希望我係哩到所打落嘅每一個字都可以成為妳嘅每一分鼓勵同支持我唔覺得妳糼稚反而覺得妳好堅強同明智因為見過好多明知冇將來都唔肯放手嘅戀情雖然我冇失戀過但我相信我好明白嗰種痛

2007-04-26 16:25:49 補充：
或者妳覺得我冇資格係哩到同妳講啲咩嘢但係我真係想鼓勵同支持到妳一百段戀情嘅開始亦都代表有另一段戀情等住妳老土啲講句可能係神覺得哩個男仔對妳唔够好安排咗一個好一千倍嘅男仔在不久的將來等咁妳呢

2007-04-26 16:58:36 補充：
冇錯一段負出過又冇得開花結果嘅感情會好痛但妳同佢都已經在哩段感情入面被釋放出嚟佢已經行咗出去咁妳都應該行返出嚟唔係棧自己辛苦我唔知我係哩到講嘅可唔可以帮到妳但希望可以支持到同鼓勵到妳啦祝不遠嘅將來可以揾到真愛妳嘅另一半

香港地有幾多情侶或夫婦夾，有就唔會離婚率高啦，想搵個夾，我估一世都搵唔到呀，無論朋友或家人都要互相遷就啦，既然大家相愛，未忍囉，我同我老公都成日為芝麻綠豆小事就鬧交，唔值得囉。我覺得您男友講褲氣說話，佢唔想分手。試下樅新個睇下點，開心啦。

有時唔拖唔水, 糾纏不清 會令你更痛

乾乾淨淨, 一刀兩斷, 長痛不如短痛 可能係好事

我同我以前果個都同居三年幾, 佢走之前我地咬鬧過一場~ 以為冇事,
但幾日後就執曬野走! 之後幾個月, 佢話知錯, 我俾佢番來.

再之後又搵番我, 我都俾佢番來, 又走過~之後佢約我出來, 我都會見佢, 拖了足足一年,
今年初我delete 左佢電話, 佢的相, 有關佢的一切, 都冇留下來~ 佢都冇再搵我.

可能我真係好傻, 但係我因為唔死心, 反而浪費更多時間~ 不過我係愛錯一個人罷了~

唔好懷疑自己的價值, 只不過係對一個人愛錯~
人係有情緒, 遇到唔開心, 頹廢一下都冇咩問題, 不過要適企番起身~

我覺得你唔幼稚喎..3年既時間呢..點可以話一時間就可以忘記呢
不過你明白時間既過去會沖淡一切已經好好嫁喇
加油喇..慢慢回覆心情繼續過你新生活既每一日
終有一日你會覺得過去既事留係心唔應該係痛..而係開心
加油加油～

我明白你..我都係過來人..
我跟前女友也是2個世界的人!! 但開頭以為大家相愛就咩都無問題!
後來漸漸...發覺係痴人說夢..
告訴你...你唔需要人鼓勵.. 呢個時刻
係要靠自己... 無得話..朋友幫你!! 因為感受此終都係自己架!! 人地點講.. 都唔會係你!!
明白自己..此終係自己!! 你係知道點做架!! 只不過..你唔想而己!! 真正咁放手啦!!
唔好拖泥帶水! 比返d尊嚴自己!! 開闊自己社交圈... 做多d自己一路想做既野...
唔好再比借口自己啦... 當2個人相愛既時候...呢段愛情係最完美..因為呢刻咩都得!!
但當對方 淡左!! 什麼事都要比較..什麼事也要計較!! 呢點! 你係要明!
既然人地都唔愛你..你做咩仲要做到咁cheap?? 咪傻啦..呢個世界...唔係你呃我就我呃你架啦!! 你咪當交學費咯!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
其實呢d說話..係同我自己講既!! ^^ 岩聽就聽啦!!
[email protected] << msn!! 得閒搵我吹水!

我都試過
我用左半年時間黎忘記
開頭我都係搵d同事朋友陪
盡量唔自己一個人
因為一有空閑時間,自己就會亂諗野
總之玩下笑下
咁對自己都好d~