貓貓咩野況下大便帶血呢??

貓貓有以下三種可能性：

1. 大便太硬，令肛門受損
　不過呢個情況唔會成日發生，只會偶爾出現，所以你要觀察多少少時間，先可以斷定佢究竟係咪因為呢個問題，當然，如果想快，你可以選擇呢幾日餵濕糧，因為濕糧出嚟大多數都係軟少少的便便，不過當然，呢個方法都未必係最準確可以測試得到！

2. 有寄生蟲
　呢個要去搵醫生檢驗！

3. 腸胃敏感
　貓都持續有咁情況，最後我帶佢睇醫生，牠身體健康，亦冇蟲，由於腸胃敏感而引發的大便出血，唯一的辦法就係改食"防敏感的乾糧"，不過呢個都要係醫生嗰度診斷出嚟！

所以建議如果你發現佢長期每日都係咁，你一定要帶佢睇醫生，搵出個根源，治標又治本！

我隻猫猫, 同樣大便有血, 經醫生化驗後, 是尿道炎.

你一定要小心處理, 醫生話也有機會是膽石...........你快帶小猫睇醫生先啦!

也留意小猫, 小便多唔多, 太小都唔正常的.

我的貓貓亦曾經大便後滴了一大滴血, 看醫生後話完全無事,
可能熱氣, 醫生話要俾多d水佢飲, 但佢唔飲又唔可以迫佢.

所以我選用了蒸蕃薯俾佢食, 到現在都有五六個月, 腸胃都很好,
你不防一試, 我習慣一星期一次, 起初俾佢食一湯匙, 讓佢慢慢
習慣. 因為齋食貓餅係真會熱氣.