在那間銀行開可以買股票及基金的戶口比較好？

如果你開股票戶口 (其實中銀的叫證券戶口，係通過呢個戶口買賣股票/債券/基金等)，savings 戶口既最低存款額都冇 min balance (因為有股票戶口，所以savings account 既最低存款額都豁免咗)，開證券戶口係唔需要費用既，只要你開一個 settlement account (可開 savings account 或者 current account)，咁就得架喇，開儲蓄戶口 10蚊都得架喇。

中銀買賣股票既費用 : 經紀佣金、 0.1%印花稅、0.004%證監會交易徵費 、0.005%香港交易所交易費，咁佣金間間銀行都唔同，中銀集團既收費係:
每筆網上/電話交易(不經人手接聽) commission 係 0.15% (標準係0.25%，一路都話係優惠期內會係 0.15%，個優惠期一路都冇stop，我自己都用左三年)，最低收費 $80 蚊。其他銀行一般都收 0.25% (匯豐同恆生都係) ，而有d理財戶有少部份收 0.125% ，但係最低收費要 $100 蚊，而且個理財戶要 keep 大額既存款係度，咁交易金額唔太大，現金唔多既話，中銀都算好抵 (中銀理財戶都有 0.125%)
如果買左股票係度，賬戶每年5月及11月最後營業日賬戶結存計收，保管費 每手HKD0.15 min HKD100.00 (即係你到收費期前賣哂d股票就唔駛收，不過如果賺既，照收亦好平之嘛)


買賣股票服務手續既詳細收費方面，詳情可 click 入下列網址參考，當然係每次都要收存啦 http://www.bochk.com /web/common/wide_mul ti_section.xml?secti on=investment&le vel_2=services_charg es&fldr_id=499



證券戶口可以係櫃位/電話/網上買賣股票(要同時要求銀行開埋電話理財功能，之後自己係網上登記啟動)，同個職員講你想開個證券 (股票)戶口，重要開個儲蓄戶口作為結算戶口 (settlement account)，咁你買入股票同沽出股票的錢都會係呢個戶口扣數同入數既。佢就會幫你攪架喇。
你去開戶口，就要帶：1. 身份證; 2.住址證明 (一般要三個月內); 3. 錢 (用黎開 savings 戶口)
中銀網上每月都有 500 次免費詳細報價，如果係用簡易報價 ，基本可以任查 ，
詳細報價好好用，有股票既所以基本資料，有新聞，相關認股證、買入/沽出盤之數量/金額、市場成交等等 ，登入網上理財去睇股票資料，大路資料有好多，如：主要指數 (恆指、國企、中企、創業版等)、市場新聞、最活潑港股(成交額、成交量等)，好多資料睇。如果有買賣 (交易金額累計大於 $50,000)，就加 200 次，比多d機會你緊貼市場動勢！

另外，中銀網上、電話都有新股認購服務，上網 click 就可以認購，收費只收 $50.00 (中銀理財戶口免費架)，如果你想融資買股票，中銀重有網上融資，即係於網上申請借錢買股票 (一般要比 margin 10%)，真係好方便架。如果你係中銀網上抽，係算黃表既，抽到係上市那天就可以即刻沽，唔會有實物股票寄黎。

如果你係以白表抽到的新股，正常實股係要存倉先可買賣的，一般係 14天，中銀香港/南商一般都係會交去存入就可以沽出 (有關股票的金額不多於 3萬)，算係臨時的政策 (呢個政策一路都冇停過)，你到時可以問一問架。
月供基金亦都係通過呢個證券戶口做的，可以每月係你的 settlement account 每月扣數，而家仲有以 credit card 比錢，咁樣又係得遲少少交，亦有信用卡簽帳的積分，好抵。

希望幫到你

去匯豐開個明智理財戶口啦，有儲蓄及支票戶口在內，
如名下在匯豐資產總值平均有１萬，就免費
又可有投資戶口，而抽新股或買賣股票收費同其他銀行都系差不多。
在匯豐也可用黃表抽新股又得，白表又有支票戶口開票亦得。

開戶有１０張無名支票比你，但最好申請多一本支票簿如抽新股最好用名支票去申請，
詳細你去匯豐問下

2007-04-26 14:33:51 補充：
明智理財系儲蓄、支票、投資，以下匯豐網址http://www.hsbc.com.hk/1/2/chinese/hk/banking/sva

中国銀行,每次(買賣)手續費$50\免開戶費送(銀行堤錢咭一張)免年費,還可做IPO抽新股,唔使自己填表,但收$50元.比其它銀行平(一半$)。我都是新人亦都用以上的唔使煩歺死。你有(中銀)可以去問一下佢地,問有關股票户口,咁就慳60蚊一個月喇@@

2007-04-26 16:19:26 補充：
可以買/賣其它股票,其它股票買/賣收$50出入費,ipo如抽到可即時買/賣,即係用黃表定白表呀？我都不知黄定白?月供基金要問銀行先知!@@