我隻狗仔食完野唔去大小便

你話"食完野唔去大小便"
係咪指食完野唔即刻大小便呀?
我兩隻狗狗都係架...佢地食完野過一排先痾臭臭架,有時過一陣就痾,有時過幾個鐘先痾,所以好難掌握佢地痾臭臭既時間...
我通常等佢地食飽,如果過一排都唔痾先放佢地出黎...你最好唔好望實佢,望實佢佢可能唔痾架...我隻囡囡有時自己走左去廁所,但咁岩我經過望到佢,佢就會唔痾走返出黎...
如果佢未痾臭臭,而又放左佢出黎,咁你就留意下佢會唔會圍圈嗅地下,一有咁既動作就引佢去廁所...唔好抱佢去,因為一抱佢,佢就驚,就唔痾...我開頭教我隻囡囡既時候佢就係咁...
教去廁所係要慢慢教同好有耐性先得架..祝你好運

你多餵牠喝水看狗仔會不會想大小便

你試吓將狗仔同個厠所用圍欄圍住,如果你冇買厠所可以用報紙,再用紙巾点一啲狗仔之前既小便,或者買一種訓練狗仔去厠所既訓練液放响個厠所到,如果過30分鐘都重未去厠所就先放佢出嚟,再等一陣再試過,但放佢出嚟既時候要留意佢,如果見佢有便意就即刻帶佢入番圍欄到,等佢成功响厠所大小便後就勁讚佢同奬小食俾佢,等佢知道原來响呢度去厠所會有奬賞既,但記得換報紙前留番小小佢啲小便落張新報紙度喎,跟住可以試吓唔用個欄睇吓佢識唔識去厠所,如果唔用欄都識去就OK啦.我隻狗狗只用咗2日時間就學識去厠所啦,佢嗰時都係2個半月,你隻狗仔應該都好快學識,只要佢識去厠所咁佢食完野幾時去大小便都唔係問題啦.
P.S其實我覺得用狗仔自己既小便好過用訓練液,因為我都有買訓練液,但係我覺得用番佢啲小便效果重好啲,所我我支訓練只用過2次就冇用啦.

帶牠行街街，通常都會大小便，要行久一點，起碼半小時。

send the dog to see the doctor