想問一問裝修的大約價錢

價格可以有好大差別,
一般黎講找一個裝修師傅會比工程判頭公司平得多,
因為找裝修師傅可以同佢議價同唔洗比人抽水,
(例如:你打算用5萬元裝修,可以老老實實咁同個裝修師傅針下,一般裝修師傅都可以幫你計店佢既,但如果你唔知訂搵d工程公司攪既話,嘟下又要你十萬八萬嫁啦!)

而價錢方面視乎你想用咩料,有平有貴(要用料上乘既話,價錢可以貴成幾萬至十幾萬),
以下為一般用料的價格,供你參考:

浴室換牆磚(清拆、防水加工連人工包料):約$15,000-
換廚磚 換廚櫃 (清拆、人工包料):約$20,000-

*如果廚櫃找人係大陸訂造既話起碼可以平$5,000- 左右。

要知裝修價錢, 除了要睇裝修的範圍有多大外,
亦要睇客人所選用料的質料而定! (高級/耐用/普通)

最好, 要師父親自上門度呎, 再睇用料, 咁價錢就會最準!

如你有需要, 可致電: 9122 2901 謝生. 上門報價!(上門度呎報價全是免費)

希望能幫到你啦!

因為我未真正到過現場視察,而家都係斷估咁幫你打價。浴室同廚房當你約100~120平方尺,要將牆身及地台鑿走再重新鋪,連工包料兩個加埋要四萬樓下,視乎再揀選用咩o野瓷磚瓦仔!?因為鑿去舊有瓷磚瓦仔及地台,係最為辛苦及時間,所以人工特別貴,而且重鋪瓷磚瓦仔及地台,又比油灰水或漆油煩複,所以係特別昂貴。
至於廚櫃方面,我相信地櫃連吊櫃,再加無縫石(假雲石)廚櫃面,齋夾板黐防火面板約五仟左右,而無縫石(假雲石)連安裝瓷盆去水及冷熱水,我相信最少都起碼四仟起,而且冷熱水喉及其他件唔包。你預一萬就差唔多,因為我真係唔知,你想造o既廚櫃有幾大???
總數你預五萬左右,其實我呢個數,都係新界較平價o既報價,如果九龍或港島區可能唔止,加埋如果你住果層樓樓價較貴較新,好多師傅開價都會大好多~