請問在香港有無一間私家醫院係有 精神科看

以我所知香港既私家醫院就好似冇精神科,但精神科既私家醫生都有唔少,如果仲未入院,最好就睇精神科醫生睇密少少,但好多精神科藥最少要食一頭半個月先開始見效,但亦未必全部病人一食藥就會好番,老實講,如果真係有精神病,食藥就可以控制住情緒(但有D 病人食藥都冇得醫,例如: 人格異常,俗稱衰格),如果病人病情嚴重,屋企人又睇唔掂,最好就入醫院,比人24小時睇住佢啦.如果屋企人認為唔想入院比人 label 左佢做精神病人就唯有睇私家醫生啦(但都唔平架).

想糾正第一位答題既人講法 : 醫院病人出唔出到院係視乎醫生比唔比,護士係冇咁大權阻止個好番既病人出院,護士只會向醫生報告病人平時行為表現,好同唔好,有冇進展......唔係你講成咁樣.最終決定都係醫生.

我成日都同病人講,唔係我想困住你,我都想睇小個病人,幫醫院慳番D 錢,但D 病人總係唔明.

絕對明白你朋友現在的處境! 那裡簡直像監獄, 甚麼都要規管, 甚麼都要鎖, 激死人, 真係唔傻都住到傻..... 除非是七老八十, 否則在入面是虛度光陰. 沒有正常生活及活動, 天天都是等時間過.

唔知你的朋友係咩事嚴唔嚴重? 因為入得去冇兩個禮拜 (有d甚至成個月都未走得) 都唔洗旨意出番黎, 醫生驚病人出左院有咩事要揹穫, 所以一般拖得就拖, 困住o係入面有姑娘, 阿姐密切監視.

雖然如此, 你亦必須留意你朋友的情緒, 因為十個o係入面既, 九個都話自己冇事架, haha. 最好你朋友出到黎可以有人經常陪住佢, 有咩唔妥可以即時聯絡番醫護人員, 如果唔係...... 冇事自由可, 病發起上黎我地自己都控制唔到, 好危險, 所以呢方面都需要考慮呀.

記得叫你朋友日常o係病房度要提起精神, 因為d姑娘會o係牌板度寫comments, 一旦寫得唔好醫生又唔批架喇. 如果你朋友情緒ok, 咁就可以o係探病既時候同姑娘講想同佢申請渡假. 渡假既意思差不多等如出院, 只是須要定期返去報到(覆診), 覆得幾次醫生認為情緒同藥效都控制得好的時候, 先會正式批出院. 唔出聲申請渡假, 佢地只會一味dum, 話盡快安排都是敷衍了事.

其實一般私家精神科都唔洗住院, 係初初"教"藥, 咁就要覆診覆得密d, 如: 一個星期一次. 之後食o岩藥, 食o岩份量就可以一個月返去見醫生一次.