✔ 最佳答案
其實好睇你隻鼠隻眼打唔開係點樣,有冇腫or只係唔開,我覺得有以下幾個可能:
1) 眼疾
可能角膜結膜炎,多數係因為環境污糟or整傷左隻眼引致既.因為鼠鼠既眼睛係凸出唻,所以好易會有呢個病.不過發炎多數係會流眼水既.
除左保持環境清潔,同埋要檢查下環境有冇d咩物品會整到佢,如果有第隻鼠一齊住既話,就要分籠,因為好易係因為打傷而做成既.
眼疾好難自己去醫,所以最好就帶鼠鼠去睇醫生啦,市面上我都見過都有d眼藥水既,但係咪真係適合用就好難講,始終就咁講唔可能100%肯定係咩問題.其實去愛護動物協會睇都好平,可以考慮一下.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
2)其他疾病
可能佢本身有唔舒服,令到佢好疲倦,累到眼都冇力開.咁就要留意下佢身體同佢既排泄物有冇d咩異常,會唔會好難呼吸,忽然肥大等等,仔細檢查一下.都要留意佢有冇食野同飲水.如果又累又唔食野,就有機會係有d咩重病.完全地睇唔出佢有咩事既話,可能係內臟既毛病.
3)撞傷
會唔會有d咩野撞到佢眼呢?留意下同鼠鼠眼附近有冇外傷,同埋個籠有冇d咩撞到佢.
4)年老
鼠鼠年老既時候,都會冇咩精神又唔多想郁咁,可能係咁就唔開眼.
5)眼訓
鼠鼠係夜間活動日頭訓覺,如果你既作息時間同佢相反,就好易只會見到佢只係食同訓,咁佢訓緊,就唔願開眼啦.
天氣特別熱同特別凍,都會令鼠鼠訓得多,如果佢冇減少佢既食量都唔洗擔心,如果只係訓而冇咩點食野,就可能有唔舒服啦.
仔細觀察一下鼠鼠係咩問題啦