我最近養了一隻倉鼠..-3-好多野都唔多識..想大家教下我.有咩要注意..仲有我養了一男1女.有咩要符別注意

有少少唔明,其實你係養1隻鼠定一男一女,但都講下我覺得有咩注意啦.

養一男一女就有好多好多問題,會打交會生bb,我本身係非常反對人咁養既,原因如下:

1) 鼠鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.

2)鼠鼠既繁殖速度好快,而且繁殖鼠鼠有好多問題(停如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.

3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,唔好盡信,鼠店有鼠死左都唔會俾客人知呢.

4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.

5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

平日養鼠要留意既事:

1)每日換水同食物,要有足夠既份量,多d都唔緊要,鼠鼠係知飽既.

2)一星期用沖涼粉沖一次涼,真係太熱太臭最多都係兩次,有病先例外.唔好用水同鼠鼠沖涼.

3)一星期大洗籠一次,平日覺污糟都可以打掃一下,鼠鼠多數排泄得好集中,打掃排泄開既位置同佢訓既位置就已經好好多(因為鼠鼠用排泄物去表示呢個係自己地頭,所以訓既地方都會排泄)

4)唔好用有味or有色既木糠,最好買d冇咁碎既.有味既木糠加埋鼠鼠既排泄物係好臭既,有色就可能會甩色,碎既木糠就易影響鼠鼠呼吸道.以甘既都易令鼠鼠敏感.

5)個籠一定要安全,唔會有野整親鼠鼠,唔好用一間間好通風既轉輪同地板,好易卡住鼠鼠隻腳.

6)鼠鼠好叻走佬,留意有冇咩位鼠鼠會走到.

7)鼠鼠怕凍,更怕熱,凍同熱都要為鼠鼠保暖or解暑

8)好緊要既係,平日多d留意鼠鼠既身體同排泄物,有咩異常就可能係有病.

唔知有冇講漏,要留意既野都唔少,以上都係我覺得新手較易出錯既事.

2007-04-25 21:40:38 補充：
睇到其他人既意見有d同我既睇法唔同,而又有d比較嚴重,所以補充一下,太多野的確漏左d:1)波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既.外國都有書本話呢個係危險玩具,不過我就唔記得本書名啦.2)我覺得唔好俾鼠鼠食水果蔬菜會好da)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.

2007-04-25 21:40:51 補充：
b)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.c)其實人類既食物大多數都唔適合鼠鼠食既,所以俾鼠糧鼠鼠食就ok啦.以我經驗,只係俾一d雜糧(一包有好多唔同野既主糧),唔洗俾其他野鼠鼠食係最好既,個人經驗係愈少雜食,鼠鼠身體愈健康,可以去到年老都冇病.

你看到他麼在打架的時候你就把他們兩隻隔開來

你記住唔好張佢地擺埋一齊,會打架!
我唔知倉鼠係咪冬眠,估下架咋,咁有一年既冬天,果陣時仲養緊倉鼠既,我既傭人見到果兩隻倉鼠訓係度郁都唔郁,就以為死左,扔左la,我未能確定佢地係咪真係死左,不過我認為佢地係冬眠!

養鼠之祕訣

倉鼠是夜行性動物，日間是睡覺，晚上才活動。倉鼠係群體生活既，佢地一般都好合群，不過亦有d倉鼠係性格孤僻既。他們的壽命很短，平均只有年半至二年多，四個星期大的倉鼠已經成年。他們與老鼠不同，他們有一條很短的尾，甚至沒有尾巴。牠們的腹部毛色雪白，沒有體臭，而尾部和四肢則極為短小，有少量白毛包圍著，透出粉紅的膚色。所以倉鼠給人的印象是：滑稽、清潔、充滿好奇心、純真和活潑。



1. 注意事項:

a. 倉鼠是在白天睡覺，所以盡量不要干擾。


b. 需要在一個乾淨的籠子和有和新鮮的食物。

c. 睡覺的時候要有一個很寧靜的環境。

d. 如果主人長期不在家便要找人照顧鼠鼠。(約4日以上)

e. 每天要給鼠鼠1-2 小時籠外的活動時間，讓牠們做做運動。 寵物店通常都有一些可以放倉鼠進去的波，可以把倉鼠放進去後放在家裡讓它自由走動又不怕不見，十分方便的！價錢約＄４０

f. 給鼠鼠一個大一些的籠子，這樣提供多一些的活動空間。

g. 不要放其它的寵物，否則會傷害鼠鼠。

h. 當然要有愛心啦！ 雖然倉鼠的生命力強，但不理會它的話，它會生病甚至死亡！！

　

2. 料理

1) 餵飼方面

倉鼠糧已有足夠的營養, 但倉鼠揀飲擇食, 一包糧只食三分之一, 所以不夠營養。以下是一些提議:宜食清淡食品如新鮮蔬菜, 蘿蔔, 水果,倉鼠專用零食, 暖開水。因為這些食物營養較高。忌吃熱氣的食物瓜子, 肉類等。瓜子和熱氣的食物會使倉鼠脾氣暴躁。

可以的話間中比它們吃一些新鮮水果：梨／蘋果，不過千萬不要經常讓它們吃小果，否則會引至肚瀉。　

2) 清潔方面

雖然倉鼠會用口水來清潔, 但並唔不夠乾淨, 所以最好日日都要沖涼一次, 會較健康!!

---預備一個膠兜, 放隻鼠入去, 再用洗澡沙灑在背部, 注意不要灑到牠們的眼睛，再用擦擦下個身。注意定期幫牠們換木糠和清洗籠子!!　

倉鼠唔可以用水沖涼，只需用涼粉。倉鼠專用的沖涼粉可以在倉鼠店買到，

每隔1至2星期可沖涼一次。籠要空氣流通，鐵籠適合夏天用，膠籠適合冬天用。

籠不要被陽光直射，每3-5日換一次木糠。水樽要檢查沒有塞，每3-5日換一次。


鼠鼠伴侶

1.如果怕鼠鼠會生孩子，可以把男女分開籠。因為倉鼠一胎會生４－８胎！！

2.若果２隻倉鼠經常打架甚至打至流血，必須把它們分開飼養！否則會有死亡事件發生！

我之前都養過一男一女呀!
我都係養左一陣,可能我講既係錯架!留意!!!
1.你記住唔好張佢地擺埋一齊,會打架!
2.我唔知倉鼠係咪冬眠,估下架咋,咁有一年既冬天,果陣時仲養緊倉鼠既,我既傭人見到果兩隻倉鼠訓係度郁都唔郁,就以為死左,扔左la,我未能確定佢地係咪真係死左,不過我認為佢地係冬眠!
唔好完全信我打既野呀!!!!!!!!!!