以前的巴士和現在的巴士有甚麼分別?急.....

你問的以前係幾耐以前呢？
係好耐以前，巴士衹得單層，而家大部份係雙層。
一般以前，雙層巴士有兩條樓梯，而家衹得一條。
普通以前，巴士全部硬座，而家全部軟座。
以前人手售票，而家自己入錢。
以前搭巴士有車票，而家乜都冇。
以前衹收現金，而家可以接受八達通。
以前衹可以睇報紙(自己帶)，而家部份有電視睇。
以前衹有自然的風，而家大部份有空調。
以前車頭衹有巴士號碼，而家車頭有埋路線資料文字。
以前要睇住幾時落車，而家部份有有螢幕和發聲通知。
以前雙層巴士有四門(上門、落門、太平門，司機門)，而家部份一般衹得三門(冇司機門)。
以前巴士高地台，而家部份有超低地台，方便傷殘人士。
以前巴士係棍波，而家係半全自動波。
以前巴士司機扭軑要出力，而家全部風油軑。
以前巴士全部男性司機，而家有女性司機。
以前巴士車身係淨色，而家有廣告。
……………

最明顯的是現在的巴士基本上全面都有空調,
以前的巴士司機只是負責駕駛, 售票的車上有售票員負責,
以前的巴士玻璃窗是可以開關的, 現在的巴士車窗都是全封閉式.
以前的巴士的座椅是木造或玻璃纖維膠造, 現在的巴士座椅都是用仿皮膠海棉或絲絨布造比較舒適,