可以告佢地歧視我嗎?

我2,3歲個時仲未識行,父母帶我去睇醫生,醫生話我右腳天生腳根短左要做手術拉長,係5歲同12歲要做手術,直到今日都冇乜野,只係14歲個年中三畀d同學改花名單打,故意用腳剔我等等幼稚行為,個年仲晚晚以淚洗面,而阿媽到今時今日係唔知道發生過那件事的,但那時歧視條例仲未有,唯有啞忍...現在話就話做左手術,不過要返工,冇乜時間去做運動拉下根,有時行得多或者跑得多都會有點跛下跛下咁,有次放工行得多,返屋企途中,有個男人傾電話,佢見到我行過去,即刻同電話內的人講個靚女係跛呀,當時,我聽得好清楚,但我冇理佢,繼續行過去,如果當時理佢的話,我可以點做呢?我知道好多人都會用好奇的眼光望下自己,唔排除仲有好多好似那個男人咁多口的人話我,咁我又可以點做呢?這個問題困擾左我好耐啦....可以話佢地歧視我嗎?男友說叫我忘記那些唔開心的記憶,但針唔拮到肉唔知痛呢??????????請畀一些有建設的答案給我!