✔ 最佳答案
剛幫老闆搞完澳門移民..
即使你公司有澳門office, 最快是幫你申請澳門勞工証, 即工作証, 唔算是移民..
移民澳門有三個途徑:
1. 專業及管理人員資格
2. 重大投資 - 只限投資酒店及博彩行業
3. 具備特別資格的技術人員
我老闆用第一個途徑, 因為公司在澳門有大型發展項目, 我老闆又是執行董事, 年薪都過百萬, 又有專業會計師及律師資格, 所以等左大約一年就批左....
依家澳門申請移民難左好多, 澳門同事話因為我老闆是高級職員, 才易d...
不過你都可以試下, 首先要搵間公司請你, 仲要係管理職級.. 然後去澳門貿易投資促進局申請, 先攞預約紙, 約兩個月左右, 會給你一張清單表及申請良民証証明書, 期間你要整理一下清單上的所需資料, 及到香港警務署申請良民証(要四個星期), 到預約的日期及時間再上去見及交資料, 所需資料包括証件, 護照, 學歷証明, 公司聘用合約, 以証明申請人的專業資格..... 收齊沒問題, 等批, 約九個月至一年.... 會通知你批了申請, 要再去澳門出入境事務廳辦臨時領身份証... 再過兩個星期左右, 就澳門身份証了, 之後每兩或三年要續期, 到時要交稅單, 証明有在澳門納稅, 如是者, 夠七年 (不知有沒有改), 便可取永久澳門身份証....
本來有購買不動產的途徑, 即要一次過支付購買一百萬以上的不動產, 便可以申請, 但剛修改了法例, 不接受些項名義申請...