男仔會唔會主動認識比佢年齡大既女仔?

差兩年好少啫, 你年紀輕先會一兩年都咁計較, 等你年紀再大d, 唔好話兩年, 再差多幾年都唔會好覺, 因為一個人成熟的速度, 係年紀小時最快 (小朋友差兩個月已經好緊要), 之後會越來越慢, 到成年, 已經唔可以用年齡來量度一個人究竟成唔成熟.

不過佢會去留學就可能有些問題, 你地都年輕, 感情好易變, 你反而應該想下你值唔值得去等, 4,5年對於一個好似你咁年輕的女仔來說好重要, 可以有好大變化.

男仔想識一個女仔,多數都係睇樣子同身材先既,同年齡冇直接關係,所以你唔使擔心依個問題,加上佢好清楚知道你大過佢都仲成日約你去街,證明佢係喜歡你,想你做佢女朋友,如果佢係一個好男仔,真係真心愛你,但你並不愛佢既話,你就唔好浪費人家既時間同金錢喇,最好就儘快同佢講清楚啦,唔好再拖泥帶水喇

會,我去北京時,有個細我3年的BOY中意我

你話你會唔會諗多左呢句又係多餘，
因為始終鍾意人的人都會自作多情，
永遠覺得對方對自己有感覺的，我都不外如是！

而講真，今時今日有好多男仔都唔介意女仔大過佢地幾年，
通常只係佢地父母、家族唔like而已。
不過聽你咁講，佢應該係中學生黎咋wo......
我認為佢唔會諗到咁長遠去結婚呢d野，
但係你真係鍾意佢就快d示愛，
唔係人地飛左外國真係勁易俾女仔溝走左。
（即使成功左都唔代表佢唔會因異地戀移情）

同埋約你出黎食飯個d活動，
起呢個咁open的社會，用黎做友誼活動已經好正常。（即使1對1)
其實都好睇你同佢係米真係互相深愛......

但係聽你講驚插左落去抽唔番身就要拍拖之前諗清楚，
因為個男仔細過你，都又可能為左性而同你一齊。
不過如果你信得過佢、覺得有可能，
總可能試下！

ps:我最驚就係永遠覺得人地對我有feel，
最後示左愛人地驚左你，連朋友都做唔成。
所以......你都係靠自己，加油吧！

當然係男仔主動先la!

相愛既話，年齡根本唔重要。佢細你兩年，可能思想比你成熟幾年，咁又點計？
最重要係雙方係咪有feel...

不過，你最需要考慮o既係long distance呢樣嘢，講就容易做就難… 你係咪可以接受到一年先見到幾次面 (或更耐見一次)？到時只有書信及電話溝通，你又係咪接受到？你係咪有信心四、五年後佢畢業一定返o黎搵返你？要知道四、五年後你已經唔係十八、廿二… 請三思！

祝你好運！