貓BB只有三天大

貓bb我屋企都養過. 希望可以幫到你.
1. 貓bb大概 3個星期左右就會張開眼, 你唔好強行張開佢既眼睛唷~~~
2. 你要為小貓咪保暖, 因為冇貓媽媽係身邊, 唔好用太多被蓋住佢, 咁樣會焗親/焗死佢架.
只要係貓咪訓個張毛巾/床褥下面放個暖水袋就可以.(如果冇暖水袋可以用蒸餾水樽代
替, d水唔好太熱, 暖暖地. 用水樽時記得用毛巾包好先, 之後放係貓咪旁邊.)
3. bb貓要成日食野, 因為佢地好快就會餓.
你餵佢食野時一隻手支撐佢個背部, 好似抱bb(人)咁, 一隻手拎住個奶樽(貓用的, 可以係
pet shop有得buy), 要慢慢按d奶出來俾貓咪飲.
4. bb貓要多d營養唷~ 飲奶好d, 等佢大個少少先俾佢飲水.
5. 要幫佢抹身, 因為有時d奶同佢d便便同尿尿會整到佢個身, 為免佢有皮膚病要小心照顧.
另外當佢開始識行就要教佢去廁所(指定地方俾佢去臭臭).
仲有要帶佢去打針, 一般pat既醫院/愛護動物協會都有得打(要打3針,之後每一年打一針)
怕佢有蟲都可以帶去醫生到預防.
佢大個少少就要幫佢斷奶,教佢食bb貓餅.
last 記得要幫佢改個好d既名(唔好太長, 貓會記唔到的)

希望貓貓可以健康成長啦!!!!

以上

以上既朋友都答得好好，所以我唔詳講，不過有少少o野要提:

(1) 千祈唔好用抱人類BB的姿勢去餵奶，因為咁樣會令貓BB窒息死亡 ; 所以，餵奶時，貓貓要4隻腳站在地上，你用手輕輕擘他的咀及抬起他的頭，然後用針筒將奶泵入去，要注意每次要慢慢泵 ;

(2) 貓BB要2小時餵一次，所以你唔可以一覺訓天光，半夜你都要起幾次身。

(3) 用暖水袋的危機是水袋有機會穿，所以最好去「卓悅」買暖包 ($22一PACK，一PACK有十個)。

(4) 雖然依加天氣和暖，不過BB的體溫調節弱，所以都要keep住用暖包。

(5) 多d抱佢、呵佢，同佢講o野，佢地慢慢會認得你及俾佢地有安全感的。

看看這些照顧幼貓的資料能否幫到你？

PART ONE

為小貓保暖---小貓不會自動產生體溫，夏天也要幫小貓保暖＜尤其這種不穩定的天氣＞，因體溫過低幼貓是不願進食的，唔好用暖水袋，用耐咗唔暖&凍親貓B；又要經常換熱水易燙傷手，市面上有種16~24hrs可貼性暖包，溫度中等用毛巾包著便可給貓B 用，用耐了不暖也不會凍親貓B，約22-40元 1 pack(10pcs)；但緊記包扎妥當可貼性暖包, 否則, 會被貓B抓破。＜或用小型寵物電墊＞用毛巾包著便可給貓B 用。因不能過熱，小貓不可直接接觸陽光，盒內亦應留有足夠空間，讓小貓爬離熱源。

清洗眼睛---對於仍未開眼的初生小貓，可用多功能隱形眼藥水或和暖開水抹小貓眼睛；幫助牠開眼及消毒。

餵食用具---食具用迷你奶樽要有奶嘴的，“切勿”用剪刀直接剪在奶嘴上，因小貓的其中一項「頭號殺手」，就是給流得太多太急的奶水進入肺內危及生命。一丁點的奶水進入肺內就能取掉小貓的生命。食具一定要經常用熱水消毒。

溫奶方面---須用器皿加入熱水，才放奶樽或注射器入熱水中；約10至15 秒貓奶溫暖才拿起，稍為搖動讓奶溫平均，擠出一點貓奶用自己的手背試溫會否過熱，微暖才可給貓餵食。

餵食---“貓奶粉”是十分重要的，牛奶絕不合適小貓。在緊急情況下可餵飲人類的補充体力飲品如「力保健」或「Pedialyte」，切記只是未找到貓奶粉前，避免小貓脫水才使用，絕不能當作食物。除餵奶外，還要餵小貓喝暖開水，小心有脫水情況出現。

不是所有“貓奶粉”也可讓小貓進食〔可請教獸醫那一種牌子較好〕。如小貓進食“貓奶粉”後仍出現《肚瀉》情況，除看醫生外，可試試以下之方法：

〔私人心得--可用嬰兒吃的‘純米糊’《不可有人奶粉成份》一茶匙，加少許“Royal Canin ~ Convalescence Support”獸醫診所有售一茶匙，用熱開水泡希放暖比例約1份糊:5份水，不可太糊小貓會很難消化，如不懂得自己進食，須用注射器慢慢餵食〕 ＜＜如遇肚瀉或脫水可混入半茶匙葡萄糖入糊仔內一起進食＞＞

餵貓姿勢---坐下來時大腿放上軟毛巾，在軟毛巾上把小貓抱在手裏肚向上，擠出一點貓奶在奶咀上，小心把奶咀放在口中舌頭上的位置，小貓便會自行吸吮；須耐心、安靜和穩定地餵食；切勿用手擠壓奶樽。
若要擠奶樽的話，一定要非常小心，讓貓奶穩定地慢慢流出而射進喉內。留心小貓的耳朵，要是牠們開始前後搖擺的話，是小貓吃飽訊息。要是有奶氣泡從鼻噴出，要立即停止餵食，因進食已極過量。

餵食密度---小貓須小食多餐，飽了要停。剛出生的小貓，最小每四小時一次，或看情況而定。餵食後用手輕撫小貓尤其重要，這不但令牠心情愉快，還能幫助身体機能發展。最後作好晚上也要餵食小貓的預傋。

幫助排泄---新生小貓是不會自己排泄，而穢物會令小貓感到疼痛和危及生命，所以每次在餵食完畢前 OR 後，應立即用溫水的濕棉花或濕紙巾，輕按小貓的屁股，助他排出便便、尿尿。留意貓兒排物,他們的大便該像黃色的牙膏，尿尿應是淡黃色，如尿尿‘深黃色’便是小貓出現缺水的情況了。

斷奶---約四星期小貓便可進行斷奶，每次將嬰兒食物（如雞、雞湯、牛、牛湯、嬰兒吃的‘純米糊’等對小貓適合有益）加入小許混和貓奶粉，很快小貓便能在匙羹或碟子上自行進食。小貓自行進食會有“狼吞虎嚥”之情況，所以放在匙羹或碟子上的食物份量，不宜一次過給太多，該續少潻食。以免小貓吸入鼻孔內。

貓蚤及洗澡---初生六星期內的小貓盡可能之下切勿洗澡。如必須清洗請預傋好所有用品及洗澡地方，小心絕不能令小貓涼。
--洗澡前不能吃得太飽，恐事後嘔吐
--預先更換好小貓的睡覺地方--暖水袋及乾淨毛巾
--溫暖適中的水兩盆（先行用手試水溫）
--洗身液-無刺激性
--毛巾 - 洗澡後用
--風筒
--洗澡的地方須掩上門窗，空氣不宜太流通
洗澡時，須用左手將小貓整個身軀承托於近水面上-身在水中，頭在水上；用右手慢慢幫小貓輕揉皮毛及頭部，平均地弄濕，用小許洗身液幫小貓清潔；小心眼睛及咀不能接觸洗身液。再用溫暖適中的清水清洗乾淨小貓，確保洗身液清洗乾淨。清洗完畢，立刻用毛巾包著小貓輕撫，及開動風筒先用熱風吹著小貓（小貓及風筒須保持一定距離約一尺，因小貓會過熱及害怕風筒；須用手穩定小貓）同時用毛巾抹乾身上的水，半乾狀態時改用慢少許的暖風，直至小貓身体完全弄乾為止。
洗澡後之小貓會很渴睡，須立刻放回乾淨箱子內及多加留意。
《洗澡過程如有多位朋友或家人幫手便最好了》

睡醒後先餵小貓喝少許暖開水，待5-10分鐘後才可餵食貓奶粉或米糊。

留心觀察---密切留意小貓的進展，如停止長大、体重流失、肚瀉、便秘、痛苦、昏睡或体溫突變等情況，應立刻前往診冶。

If you have any question about your baby cat, you can call me anytime 96292161

還有PART TWO & PART THREE
適合較大些少的幼貓
如須要可再SEND給你

祝人、貓一切安好！

你可以在包住貓BB的毛巾內放一個鐘，
個鐘發出啲啲聲好像貓媽媽的心跳聲，
貓BB會安心好多唔會叫到聲沙，
貓BB差唔多3~4個小時要食一次奶，
奶樽上會有寫佢大約要食多少，
D奶要用手背試吓熱唔熱(不可太熱)，
同樣晚上也要食奶，
每日用少少溫水的楾花為BB抺眼睛(不要太濕&細細力)，
好似媽媽為佢用舌頭抺眼睛一樣。

SPCA電話: 2713 9104
有咩唔識可以問佢地，佢地專業D!

初生貓仔會比較怕凍D，你要揾毛巾圍住佢、比安全感佢，貓仔食完奶(要用針筒or媽BB奶樽),仲要揾條暖毛巾，包住D手指，模仿貓媽媽lamp貓BB肚皮的動作，如果唔係佢會去唔到廁所ga!!!
你真有愛心