✔ 最佳答案
其實佢個system同hk差唔多，不過線多站多月台多姐。
站內的指示係非常清晰的，指示牌會寫出月台號碼、代表顏色、鐵路線名稱、往邊個方向行駛，同月台方向。月台上亦會指示出月台號碼、路線名稱、代表顏色、往咩方向行駛等等。
日本鐵路每條線都有代表顏色 (例如山手線係淺綠)。好似hk咁，去旺角要搭中環線，中環線係紅色ge。
首先你要知道你要去ge目的地要搭咩線，假如你要由新宿去池袋，要搭山手線，山手線係淺綠色ge，你就去返山手線月台度，上車前睇清楚個月台係咪寫住山手線，同淺綠色標示。轉車時好多時係要行返落個車站大堂到，再搵過第2個月台，唔似得hk咁，行過對面就係。
車飛上係唔會有顯示要去邊個月台同路線，只有寫住你係邊個站上車同車資。不過列車車頭會寫住係咩路線同終點站名稱。
你入左閘後要再慢慢搵月台，所有車站ge指示都會非常多同清晰，無論係大站定細站，無論係JR定私鐵。不過你要習慣一下車站係好大同月台係好多，有時個月台會同入閘站置相隔非常遠。
同一間鐵路公司轉路線係唔洗另外買飛，如果你全程搭JR，買一次飛就得，亦唔需要出閘就可以轉車。如果要轉乘其他公司的鐵路，就要出閘再買過飛。
有時2個鐵路公司的車站會相連接。例如JR山手線同METRO丸之內線的池袋站係相連接ge(情形同九龍塘站，由mtr轉kcr一模一樣)。
但有時就必須要出左車站再行入另一個車站去轉車。(放心，會有指示你由邊個出口行出去再入另一車站)
由於有時JR同私鐵車站會相連接，所以小心唔好行錯入錯閘。因為有好多車站都有地下街，當車站同車站再同地下街駁埋一齊時，就有機會搞錯ga la，最緊要入閘時睇清楚係咪你要搭ge鐵路公司，就應該冇問題。
如果真係好怕搞錯，可以係出發前寫低晒你要搭咩路線去咩站，到時唔洗再慢慢研究個張咁混亂ge地圖la。
要留意日本鐵路有好多路線係有分特快、快速、特急、急行、普通(各停)等等，普通就係該路線上所有站都會停。而特快、快速、特急、急行就會只停某一d站 (細站通常唔停)，月台上會有牌寫明咩車會停咩站同時間表，月台亦有電子牌寫出下一班車係屬於咩車，同埋會有廣播，列車車頭亦會寫明。你只需稍加留意就唔會搞錯。
另外，由於山手線係循環線，唔會有終點站，但係仍然有2條路線，行走相返方向，所以月台同車頭都會寫明該列車往邊一個方向行。如果搭錯雖然都會去到目的地，但就要兜大圈了。
(旅遊書一般會有鐵路路線圖，冇ge可以問下酒店有冇得拎，再冇就去日本便利店/機場買，又或者上網搵下有冇得print)，
