足球技術一問？

專家用超慢鏡分析死球專家如碧咸的急墜球，發覺急墜嘅波其實帶上旋，上旋嘅特性係急勁，最攞命係沈得快。

腳內側射香蕉型好多人都會，但係用腳扯上旋係高難度，你如果知道網球同乒乓波開波點樣開強力上旋，就知道要用塊拍(足球係用boot)包「冚」哂個波然後磨擦，所以你出腳不止chok個波嘅側面，更要利用鞋面係波嘅上面chok，嘩！高難度囉。你試吓唔好淨係chok側邊，試吓用腳內側包多啲波嘅側上方。
留意罰球slow motion replay，急墜嘅波嘅上旋係多過側旋。
至於窩利或半窩利射急墜波就較容易，用腳背面對準個波嘅中間用力「梗」埋去，唔好兜波底，食得應個波會先飛高少少，然後曲墜。記住身体唔好昂後，上身要直，等個波跌到膝頭哥低少少才「梗」埋去。

2007-04-25 14:53:38 補充：
踢窩利或半窩利，接觸球時 make sure腳趾是指向地，腳背面食應個波，用腳面舊骨捻個波中上方唔好畀佢飛街，出腳後腳趾仍然指向地，射出嘅一定係曲墜嘅世界波。