20分!!我想知澳門可以行街買衫既地方有邊d..

如果要搵ｄ好似香港既旺角、銅鑼灣ｄ咁既地方，你就最好由議事亭前地開始行，議事享噴水池前面既新馬路一直至殷皇子馬路、南灣大馬路，都比較多高檔boutique，就好似銅鑼灣果ｄ咁；再講番由議事亭前地向板樟堂行，一直至白馬行，一路都好多boutiques、名店、鞋店咁，白馬行仲有個購物商場叫信達城，入面有好多飾物、衫、鞋、精品店，白馬行後面有條叫天神巷，都有幾間boutiques架，時裝類似旺角賣果ｄ質數；到左白馬行盡頭就係荷蘭園大馬路，有好多運動屋，運動用品、運動服裝、波鞋都好集中享果度。

至於食方面，澳門普遍有大排檔、打邊爐、上海菜、川滬菜、緬甸菜、越南菜、泰國菜、日本菜、韓國菜、葡國菜、意大利菜、法國菜。價錢有平有有貴喎，好難講。

但講到出名呢：

葡國菜就有公雞（皇朝氹仔都有）、小飛象、木偶（全在氹仔市區）咁囉，全部都係中高檔既西式餐廳，一個菜都要七八十蚊咁上下，西灣都有好幾間葡國餐廳如美麗灣，面對西灣湖既景色，氣氛幾好；仲有歷史悠久既沙利文（南灣舊法院對面）和佛笑樓（皇朝及新馬路內街也有）都好食架～

法、意菜都係高檔餐廳，皇朝同中區都有，價錢唔自貴，平均百幾二百蚊一個人，本人愛吃皇朝區既經典意大利餐廳，該餐廳跟比薩意大利餐廳（港澳碼頭及媽閣萬里長城也有分店）屬同一老闆，味道不錯；

講到東南亞菜如緬甸馬拉咁果ｄ呢就多集中享三盞燈，其中雅香係出名既緬甸菜館，附近有湄江河食越南野都唔錯，價錢都係十幾至廿幾蚊一個粉面，茶餐格局；

至於泰國餐館，多集中在與荷蘭園平衡既隔兩條街，有小泰國之稱，價錢都係幾十蚊一個菜，小餐館型式經營，本人較鐘意去占記，又好食又抵食；

日本菜好多地方都有得食，冇集中點，價錢唔貴，十蚊至廿幾蚊一碟sushi 都有，面食都係廿幾蚊起，漁人碼頭內既和花享都幾出名，sushi 造得精美且有特色；

韓國菜享新口岸及氹仔都有，氹仔果間韓國燒烤都幾出名，可以一試，都係幾十蚊一個菜；

有名中菜餐館有陶陶居，海鮮及魚翅都出名；

上海方面可考慮三盞燈既滿江春或一家春，或者東方斜巷（於噴水池對面）既長城。

至於澳門出名既小食，唔駛講，梗係豬扒飽啦，最出名就係氹仔既大利豬扒飽，不過本人覺得自從佢出名之後就冇咁好食啦，好多地方都有後食，仲好食過佢好多添呀～如果係去行街既地方，不妨去下近板樟堂既外賣小泉居，果度有熱辣辣又香又可口既豬扒飽架。

想知更多澳門有咩好食？不如你地呢個 website 度睇下啦：
http://www.openrice.com/indexmacau.htm