你們的小狗是否會困住龍

如果小狗剛剛返新屋企，為健康著想所以一定要困籠，因為小狗抵抗力弱，要一段時間適應新環境，最少打完第二針後就可以係屋企行下，要有人看管住，地下要乾淨。如果話屋企無人都可以自出自入，就一定要打完第三針先可以，但要考慮家居安全問題，例如小狗會唔會亂咬野，或有可能接觸到危險物品，如插蘇電線之類，就算你以為無殺傷力既野，可能係跌左係牆角既硬幣，吞左落肚點算？放左係檯既一粒朱古力，都對小狗造成傷害，因為狗係唔可以食朱古力，你要考慮好多無限可能性。

男或女都無話邊樣好，你可以係生理問題方面考慮，但至緊要眼緣！

家中冇人我會困籠,因為我個隻係八哥只有6個月大,我唔怕佢攪亂,最怕佢什麼都食入口....有時我在場佢見到什麼都放入口......我不知幾擔心...
如果我在家就放佢出來......比佢周圍走,如果我出去就困住佢入籠,佢唔會大叫,最好時我不用擔心狗狗,
有次晚上我們唔記得困佢入籠....一早起來就見到佢,我覺得好攪笑...
其實我困住佢是想佢健康一點,等待狗狗大一點就由得它自出自入......
這幾天咁熱,我們拖佢個籠入去同我們一起訓一起開冷氣,佢不知訓得幾舒服,因為八哥好怕熱

想養狗，但男仔還是女仔好？.......女仔比較癡身一點，但我果隻係男仔都好癡身,不過佢比較歡喜癡我男朋友,和癡男仔,人地話如果想容易訓練養女仔好一點..

我隻狗仔得5個月，我由佢2個月大時返屋企到依家當無人喺屋都會困住佢。不過我唔係用籠，我困佢喺一個圍欄裡面。因為佢可以走動嘅地方又大啲，又唔駛佢喺屋企咬嘢有危險。我有個朋友隻小狗咬電線，所以電死咗。我諗住等佢大啲定性啲先任佢喺屋企行。

至於狗仔好定狗女好，就隨個人喜好喇。仔會爛玩啲。同睇下你有冇打算配種，女會生BB而仔通常都係分得一隻新生小狗。呢啲可能都係你考慮養仔定女嘅原因之一。

我自已都無困狗狗,其實它們都喜歡自由空間,養仔定女就睇你自已鍾意喇

其實睇你自己點睇,如果覺得狗狗都需要自由的話,平時在家都會讓他自由活動,但廚房等等的地方都要關門!!而我自己的狗狗平時都係由得他自己行,因為他都不會亂撤尿,自動自覺去洗手間如廁!!
女仔同男仔分別不大,都係睇本身的性格,而且要視乎狗狗的品種是屬於邊隻!!活潑or內向型.
不過如果你是女主人的話,養女仔會比較好!!

我無困過狗仔入籠.除非做錯事,因為會好嘈,養仔定女要睇你住果區(例如你要帶佢經常去散步的地方) ,如果狗仔多你就要養狗仔,狗女多你就要養狗女.我睇書係咁講架