文化界挑戰何文匯粵語正音

其實何文匯呢ｏ的八股佬，為左標奇立異先成日話邊個字要正音．有ｏ的字，一ｏ的人讀ｘ音，另一ｏ的人又讀ｙ音，當然要正視．但當社會普遍都接受左一個音，何必要夾硬拗番轉頭呢．

有時中史好多名詞，如月氏，吐谷渾，夾硬逼人讀〔肉支〕，後者我都唔記得正讀點讀．此舉只會令人討厭歷史．委蛇要人讀做〔威移〕，更係無謂，如果夾硬要我咁讀，我不如唔拋呢個書包，唔用呢個成語，因為自己次次要解釋咩叫〔威移〕之餘，人地都覺得你討厭，懶叻．

再者，有關姓氏，何生夠唔夠膽去同〔查小茵〕小姐講：其實你叫〔渣小茵〕？咁即係侮辱人地出世到而家都讀錯自己個姓．據百家姓，韋姓是〔圍〕的簡化，查姓是〔楂〕姓的簡化．普通話讀音可能姓氏同平時用法確有分別．但我地廣東人圈子，習慣左〔韋〕讀〔偉〕，〔查〕讀〔茶〕，大眾都無異議時，何生又憑何質疑大家的習慣．

再者，如果真是姓氏讀音同平時用法有異，那些人是會強調的，如姓〔單〕，個個都會強調個姓是讀〔善〕，而不是〔丹〕．

何生之流，標奇立異的目的，莫非是為表示自己學識超人，自高身價矣．如果約定俗成是可行，他那滿腦子古字古音，試問再有何搵錢的價值？為了搵錢，他強調眾人皆錯我獨ｏ岩，是很易理解的．

何文匯之流為了私利而宣揚錯誤的粵語讀音，不但誤人子弟，更破壞了粵語的優良傳統。我們一定要正視這個問題，不可以再任由何教授誤人子弟，謀殺廣府話！

2012-05-28 05:09:09 補充：
何教授，我求下你，拜下你。。。。。。。。放過廣府話啦
唔好再謀殺廣府話啦！
廣府話是祖先留給我們的寶，不是給你用來賺錢的工具呀。

o岩o岩至答左另一條問題,
可以睇 http://hk.knowledge.yahoo.com/question/?qid=7007042402127
我既論據寫晒係入便.
對於事件既背景, 係由無記播出<<最緊要正字>> 開始,
何教授提出一o的現今讀音好多都係錯既,
而根據廣韻提出所謂正音.
問題係, 整件事只似係有人想沽名釣譽, 將小事化大,
節目本來只係希望提起香港人對懶音, 別字既注意,
亦提出一o的廣東話用字既寫法,
坦白講見到累既廣東話寫法係"足歲" 呢一下真係好震驚,
不過諗深一層亦有可能 (足行左好耐 (歲指歲月) 咪累囉 - 會意字)
所以茶餘飯後以此為話題都唔錯.
至於病毒音, 謀殺廣府話呢o的, 諗咁多做乜丫~
條友想乘機囉彩, 何教授唔出聲至係正確.
無謂同佢一般見識丫

我都希望何文匯博士出黎應戰。