一開車頭燈....但車內既燈就會暗(如錶板....電子鐘) ?

我估計同電池無關，我駕車卅年，廿多年前的車會好多煩惱問題，現在的車都好得多啦，你講的情況我試過幾次而我係電燈佬又會自己修理所以現在可以自認係專家，靜止時候由電池係電一般係防盜及撻車用，當車輛引擎開動後就由引擎帶動的發機供應全車用電及為電池充電，你要試下加油會唔會好左，如果係有幾個原因，車頭轉數太慢/發電機(打藍磨)唔係好妥/舊車仲有一個cut out，一般比較新的車都用左電子的，以上的原因都會出現你所講的問題，可能你上次都唔係電池壞死而且充電不足，如果係好舊的車種最好少無固撻車及熄匙，每次撻車都要俾佢開動一會補充撻車時用左的電，行車時問題唔大如果晚上開左水撥及大燈行車太慢或停得太久就要小心，首先搵電池店測試一下，佢地有個表可以測試到有否足夠輸出，問題可以立即解決，自己都可以買一個簡單的LED電壓表插在點煙器，平時留意一點就平安大吉啦.

2007-04-24 02:24:15 補充：
仲有一個可能，係大燈組件及電路可能有輕微短路產生好大電阻，那就更要快點處理，有可能會係高官常用語____存在危險，唔係火車而係火燒車.

這是因為電池負荷的問題。我的車是新車，08 年Toyota Alphard 350都是這樣的問題，一開車頭燈，LCD 就會暗到睇唔到咁。我打電話去 Crown 皇冠車行問，他就是這樣說的。我問是否可加另外的電池處理 LCD, 不可以。可否加大電池，不可以。可否有辦法解決，沒有。

新電池本身有電邊會叉唔夠丫. 應該系打磨南(即發電機)老化/電器太多, 電力輸出少左/唔穩定, 如果本身部車唔算太舊的話, 即個發電機又冇比人做過手腳的話, 可嘗試安裝一組地線,價錢都系$1xx左右, 當然也有貴的, 今電器回路好d都有幫助, 最好有埋正/負極線啦.

有可能問題就出在新換的電池未充滿電,電池內阻大,車頭燈耗電量較大令電壓下跌,白天出去兜几轉,等電池充下電,可能有改善,不妨一試.希望可以幫到你.