大家認住呢間pk公司,簡直影衰哂d會計師樓呀!龍x德會計師事務所!知法犯法

今日心血來潮打去mpf公司查下舊公司有冇同我供款,因為做左5個幾月,仲未收到mpf俾我既証書,証明我開左ac.

點知,原來佢一期都冇同我供過,人地都冇我既資料!

記得做滿3個月果份糧,佢扣左我2期mpf,但仲未俾表我填,我吹左HR幾次佢先俾我填,但原來錢照扣,但冇供囉!

平時公司出俾客d信成日話"你地冇同d僱員供強積金會俾積金局告架!"咁佢而家呢?

我打完去積金局,再打去問個HR女人點解唔同我供,佢竟然話份表唔係佢寄出,係老細寄,所以佢唔知喎!

原來唔止咁,最後份糧,最後個月我返得3日,得千2蚊,加埋按比例大假唔過5千蚊,佢竟然扣我6百幾蚊mpf!

積金局幫我計過佢應該連埋果一個月代通知金一齊扣,但代通知金係唔可以扣mpf!
我打去問條八婆,佢駁左條線俾老細,佢一接個電話就好得戚咁話係計錯咁又點,對你對我地都冇損失丫!d錢係你既,冇人可以攞得走既!

我問佢點解唔同我供mpf,已經過左2個月寬限期,佢話佢知最後份糧實有野要改,係特登等埋最尾條數先幫我供,佢知唔知自己講緊乜呀?而家係法例規定一定要供,唔到你幾時心情好先供呀!