我俾人話虛偽.......

話我ge人係我同學
我都應該算係佢朋友
平時都有同佢打下波呀~打下機呀~吹下水
平時人地唔話我乜乜乜,我都唔會話佢地乜乜乜

有兩個同學就成日同我講果個同學好鬼煩
我講唔係好煩ge話好似對佢兩個唔係幾好,所以最後我就講一般煩law
呢句話係超唔肯定
咁係咪叫虛偽?

仲有我係一個極唔果斷ge人
d同學有時叫我同佢地一齊乜乜乜,咁我通常都諗一陣,之後講可能去law
我自己都覺得好似自己唔係幾願意咁答,咁係咪又會俾人虛偽ge感覺呢?

我有次同果個同學玩PS2 ge gundam seed,咁我未玩過就輕易打得死佢
我真係第一次玩,之後因為唔專心ge關係就輸左俾佢幾次
跟住佢又話我讓佢,咁當然唔係la,我同佢講左玩過類似ge game,
其實我都唔知點解有時玩得好勁,有時玩得廢
咁係咪又俾人虛偽ge感覺呢?係咪令人覺得我扮野呢?

我平時都好少透露自己ge真正想法
咁係咪令人好討厭?