瘦身的定義

首先你要定義咩係為之瘦同肥? 有冇中等身材呢?
然後就解釋美同醜的定義? 有冇一般美呢?
中等身材算唔算醜呢?

瘦係美只係近年瘦身公司同媒介營造出來的效應,
而且仲係針對女性, (瘦才是美都係針對女性, 因為"美" 通常形容女性)
d廣告對白, 字眼, 同語氣, 都係諷刺肥人,
認為肥人係有罪, 懶惰, 可悲, 行為差
而瘦就多人愛戴, 成功, 優越, 榮譽....

從而令到肥人情緒不安, 認同廣告帶出的訊息
因而令到肥人, 瘦人, 任何人都用不同方法減肥

亦有大部分人唔係為健康而減肥, 只係鬥瘦
見人瘦d, 好似多人讚, 自己唔理自已咩身型, 又減埋一份
在同輩的鬥瘦競爭下, 大家都無知的要瘦一餐

亦有好多人係因為怕男朋友/老公嫌棄而減肥
點解會怕呢? 因為審"美" 的眼光和準則係設定在男性的價值上
減肥係一種身體政治 (body politic)
男性的眼光認為瘦就美, 從而令到女性要活在男性眼光之下(male gaze)
女人就成了sex object. 被人凝視的一群

而美只係一種感覺, 每個地區都有不同定義
例於長頸族人, 認為長頸就係美
亦有一個地方的人認為有一對潤腸咀就係美

所以, 美的定義, 有大部分係來自那個地方的文化
我地即會認為高, 皮膚白 都係美的一部分
(即接近西方人審美角度)

只係瘦, 可能未必達到"美"的要求.
因為除左瘦外, 廣告亦大篇幅傳達"美白"係"美"的訊息
(美白亦係身體政治)

如果美係包括"瘦" , "高" , 同"白" 呢三個元素
單係瘦, 不能叫做美

當然, 你可以加入個人意見, 例如"健康" 先叫做"美"等~~
咁你就要再諗下應該點講了