香港人現在在政府醫院生定私家醫院生好呀??

我就建議你去私家啦
如果你怕遠,可考量荃灣港安,我都係o係o個度生,都唔錯架,不過佢地full到九月啦,要book就要快d

當初都有諗過去政府生,但後黎都決定去私家.
因為初初我作小產,o係屯門醫院住過一晚,雖然唔係住產科而係住婦科病房,但俾我的印象就麻麻...厠格同沖涼格衛生唔係咁好,似公厠;d姑娘有d惡lor;最頂唔順係,我當日照左四次體內超聲波!! (後黎我睇私家醫生,話我已經作小產流緊血,其實唔應該照咁多次陰道us,否則仲易出血)仲有,幫我照o個d醫生係實習架,要個醫生o係隔離"傍"住...

我都覺得私家係貴,但我心諗,我又唔係生得多,都係一胎起,兩胎止,一世人最多咪一兩次!點解唔對自己好d呢?私家醫院環境好d,d姑娘同職員都禮貌d(其實諗都諗倒,政府d人做又三十六唔做又三十六,你又唔係佢老細,佢最怕係俾人投訴啫..至於私家,你去到你就係佢老細,你係間接出糧俾佢的"客"服務梗係好d)...又可以自己揀醫生,由大肚開始到生都由同一個醫生睇,總好過政府次次睇都唔同醫生...

至於話多唔多大陸人,政府同私家都無可避免架啦...但以我生的港安為例,情況又唔係真係咁差....仲有,當初我都好驚d大陸人,但原來都ok喎...d大陸人無想像中差喎...我睇都係睇你好唔好彩遇到d咩人啫..呢樣野就政府同私家都無分別啦...我有朋友o係政府生,咪一樣咁多大陸人

不過,話又說回來,咁政府d醫療設備同器材就梗係完善d o既..而且又真係夠平..

我都係認為去私家好些,去邊度都有大陸人同香港人,今年好年啊好多人生

學樓上的網友話齊大陸人唔係個個都咁差, 我都遇到過有禮貌同有修養的大陸人

為左自己同bb唔知點解我覺得私家總係好過政府,否則都唔會收貴咁多啦

因為我自己都係怕政府服務差所以由有左做產檢同預約生都去私家架,雖然俾多好多

錢,但係由始至終感覺良好啊,我仲有2個星期就到預產期, book左太子法國,生左之後

再話你知果度好唔好啦

不過我都係個friend介紹我去果度,佢都係係果度生,佢話幾好

你好!其實我上個月都在屯門醫院生BB,初時我好似你咁諗,怕到時環境無咁好, 又比較迫夾,但原來一D都唔係,果到D護士同亞姐個個都好好,到我出院之後仲會2個星期打電話問你身體有無唔舒服,BB又有無問題 ,我就覺得好好呀!所以我打算下次再生BB會去返屯門醫院生.

而家大陸人喺政府醫院生bb要比私家醫院咁嘅價錢,所以大部份大陸人都選擇去私家生,佢地會唸,同樣都係要比咁多錢,點解唔去私家生啫。
政府醫院唔會冇哂d大陸人架,香港係一個有人道嘅地方,唔通佢地冇錢去私家生就會有得佢地咩,香港人唔會見死不夠嘅,不過一定會小左嗰批有錢黎香港生bb嗰d大陸人,如果你有去健康院登記就一定有床位,而家喺政府醫院生好d,因為有探病時間限制,就算有大陸人佢地留嘅時間都唔會好長,但如果喺私家生,有可能一日有一半時間可以探病,你話私家多大陸人定政府多大陸人呢!同埋屯門醫院個兒科係數一數二嘅好,去屯門醫院生啦,方便d,仲近d呢!

我覺得政府醫院比較好，因私家醫院現在也充塞著很多大陸人去分娩，而公立總算是留有床位給本地孕婦。而且公立醫院現在的婦產科都很有經驗，所以無需那麼擔心。

我就話去政府醫院好d