邊間固網平？PCCW係咪減價？

如果係長期有使用寬頻上網服務o既話,我建議閣下申請寬頻電話。寬頻電話有優點亦有缺點。優點係服務費便宜,可自行轉移地址,只要攜帶電話接駁盒,無論閣下身處世界任何地方,只要有寬頻上網就可使用,香港親朋好友致電閣下電話號碼,身在外地亦能接聽,或撥出到香港任何一個電話號碼,而不需要額外IDD或漫遊通話費。
缺點就係屋企停電就用唔到,或者係用緊o既寬頻ISP公司發生故障,【寬頻電話】就隨之不能使用。
個人建議使用經PCCW鋪設的 ISP公司, 線路較為穩定。例如【PCCW網上行】、【新世界寬頻】或【和記寬頻】等。
我個人用左【香港寬頻】公司,【寬頻電話】服務差不多兩年,每月服務費HK$48元,但一定要簽連續12個月合約,期間不能中止服務,否則要扣$550元手續費,或餘下月數的服務費。
其實最穩定,唔怕停電或寬頻網絡影響,最好一定係用【PCCW固網家居電話】,不過簽約最少一年,平均月費都要最少HK$88元,價錢就比較昂貴,但屋企有老人家或細路多,最好都係用【PCCW】,因為一遇上有危急事情時,【PCCW】就一定打得出打得入。