懷孕兩個月啦..

我好似你咁多個月時都有同一個問題，周圍聽人講囉！有時有d人講果d其實唔知係唔係真，但唔肯定未唔食囉！有人話唔好食薏米、豆奶、緑豆等，我就食多d菜心、西蘭花、鮮奶、雞蛋、蘋果、豆腐都好有益o架！下面有段係之前我提類似問題時的回答，你可以參考下：
大肚婆禁食表

魚生,汽水,雪糕,有咖啡因飲品都唔可以飲.

西瓜,香蕉,山竹,榴槤,菠蘿,芒果,柿子,柑,馬蹄,綠豆,豆漿.
鵝,鴨,羊.蛇,蝦,蟹,竹筍,青椒,紅椒,黃椒,田雞.

如果想BB好,就一定唔好食:西瓜,香蕉,菠蘿,蛇,羊,蝦,蟹同田雞.
以上其它建議盡量少食.

建議每日早上起身飲一杯牛奶,可以去藥房買一隻叫'喜康素'
奶粉飲.

建議每日最好食1-2個蘋果.{係翠果,唔係粉果}

如果腳腫可以在睡覺時以枕頭將腳略為放高,甘就會減輕腳腫.

可以去藥材舖買1包鹿茸分3次炖,有左之後計,3個月1次,6個月1次,
9個月1次.

唔可以剪頭髮,唔可以'儀'床,唔可以在張床上用交剪剪野.

最好唔好早上洗頭,沖完'良'唔可以即刻訓.

有左4個月就要買D防妊娠紋的膏'查'肚肚.

懷孕1-7月期間可以多用薯仔,番茄,紅蘿蔔,栗子,花膠煲湯.
因為薯仔含有碳水化合物.蛋白質.果膠.食物纖維.維他命A.B.C.
鈣.磷.鉀等.
而番茄含有番茄素外,還有維他命A.C,纖維質,葉酸及鉀等,
能抑制真菌,可治口腔炎.
而栗子就含有維他命B1.B2.蛋白質.澱粉質.碳水化合物及多鍾
礦物質如鈣.鎂等.有助對抗衰老,保持青春活力.
而花膠含有豐富的膠質及蛋白質,令人迅速消除疲勞及對外科手術
病人傷口有幫助復完之效.

8個月之後可以煲花生眉豆雞腳湯,木瓜魚尾湯同木耳雞湯.
生完之後要飲多D木瓜湯同食多D炒薑飯.

係西醫o既角度黎講,無咩係唔係得,只係要食得新鮮ga o者,
仲有想食o既野,都唔可以話食幾多都得,要適可而止呀!!
不過我睇開果個西醫就叫得特別注意有一樣野,就係唔好飲豆漿,
但我唔係好記得佢o既解釋喇!!

但,係老一靠o既思想下,就有好多野係唔食得喇!
如~豆腐花(因為有石膏粉),白菜,水通(通菜o既其中一種,好粗果隻)
其他有涼瓜,西瓜,綠豆,芒果,菠蘿,荔枝,香蕉,田雞,海鮮(尤其蝦,蟹,貝殼類)魚生,雪糕,汽水,酒類

不過,有野唔食得,就有d 野會建議你可以食多少少,
朹杞,蕃茄,薯仔,波菜,西蘭花,...

我睇開西醫做產檢的，　佢就話冇咩要介口，　總之新鮮的野就可以

但係　老人家或者中醫就會好似你咁講的，涼的野同埋灦熱的野唔好食

例如話白菜仔就唔夠正氣，要吃菜心啦，芒果，菠蘿就毒唔吃得，香蕉
會滑胎，蘿下會化氣　（到生果陣冇氣），冇魚鱗的魚唔好食啦，甚麼
田鷄，黃鱔，白鱔，尤魚都唔食得等等

以上祇係部份例子，至於你聽中醫，西醫定係老人的家就要你個人去睇
我侇加已經３８週，仲有２個星期就生得

由有左到侇加我都冇咩介口，因為聽個私家醫生講，我連魚生都係咁食，因為
醫生話新鮮就得　！！　每次去覆產檢我都問佢ｂｂ健康情況，佢都係話好　！！

如果你仲係擔心你就可以去這個網址，有好多人會分享好多心得，多到你睇唔晒！！！
www.baby-kingdom.com

其實真係盡量忍下口呀!如果菜方面咪食d亞媽話既中氣d,如菜心,生菜咪食多d囉!通菜一定唔好食呀!生果又唔係咩都食得呀!依家食多d蘋果,西梅果d囉!其實到你4,5個月果時好多野都食得咖!但因為bb依家仲細!所以忍下口啦!
仲有呀!做多d運動,唔好成日覺得累就係咁坐呀!做多d運動,生果時都無咁痛咖!!真係咖!!
如果你真係想食某d野果時又唔知食唔食得!咪問一問亞媽先囉!你生左bb之後想食乜都得啦!