男友屋企人叫結婚

家庭及人際關係其他 - 家庭及人際關係

[匿名]

2007-04-23 9:35 pm

前幾日.第一次上男朋友屋企食飯.
之後佢阿媽.問長問短...(基本上我唔介意.都預左佢問)
之後佢阿媽又對我男友講存定錢...要買樓結婚...聽完之後...呆左
我同男友拍拖一個月......不過男朋友媽咪就50幾歲左右.男朋友就27左右.我就22囉
聽完之後.男朋友同我講....又俾阿媽叫我快d結婚...我咪話呢d野遲多幾年先算
佢就答返我：下.......遲幾年.3.5.7年ar...唔係ar ma.
我咪話.......轉話題..唔好up呢樣野.

我媽咪就話.拍拖拍耐d先結婚媽咪爸爸都係四十幾歲.家姐都係大我3年左右
但係男朋友個邊d屋企人好大個ar.................連男朋友最細個細佬都大過我幾年

下次母親節.我男友要我同佢屋企人去食飯ar.....................................
點算...點樣應付男朋友媽咪好????

回答 (8)

天藍

2007-04-23 10:38 pm

✔ 最佳答案

其實拍拖幾耐先決定結婚，好睇你地兩個人o既決定... 有D人拍拖十幾年先結，有D幾個月就結左，所以無話對或錯。

主要係你得22歲，可能仲有好多機會識其他男仔，又或者未定性 (希望你唔好介意我咁講！)，亦未知呢個男仔係咪你o既至愛。

如果你都未決定到，咪同你男友講再拍住拖先啦！亦叫佢同佢媽咪講定先，咁你下次見佢老人家咪唔使尷尬囉！

我覺得再拍多半年或一年拖，就應該可以知道對方係咪適合自己，到時再決定啦！

其實我覺得佢媽咪都唔錯o家o勒！識得叫佢個仔儲錢買樓結婚... 如果結婚後，要你同佢屋企人住，到時咪仲大件事！

👍 0 👎 0

杏仁咖啡

2007-04-23 11:45 pm

結婚是兩個人的事...
你自己有沒有打算先? or 你兩個有沒有這打算??
依家都唔興話咁早結婚, 大家仲係在事業的搏煞期, 經濟基礎都未係咁穩定.... anyway 最緊要係你兩個人的計劃... 你男友好想結婚咩??? 為左咩?? 為左鐘意你鐘意到要結婚一生一世??? 定為左結婚而結婚?? 又或者係為左向家人向父母交待??
至於點應伯母, 笑下咪算囉.... or 你咪話會計劃下, 仲諗緊.... 或者話儲到錢先啦...
反而你考慮一下你和男友在這方面的默契和共識吧.....

👍 0 👎 0

用戶96590

2007-04-23 11:37 pm

一個月，似乎時間太短了，我覺得現時你的伯母似乎好想她的兒子快點結婚!
比大家多點時間先，了解多點你的男友的為人，22歲青春多的是，凡事都要靜觀其變，千萬不要衝動，一時之喜就結婚。
其次，結婚始終都要慢慢而行，不能操之過急，要有錢、有屋，想生小朋友又要想你們的造人計劃，錢可不少呢!
下次母親節，食飯照食，我相信他的媽不會再「哦」你咁多，又或者佢又「哦」你的話，你同伯母解釋一下，你話比她說:「伯母，我也很想與我的男友結婚，但世界還是很現實，需要一起努力賺錢，之後才可進行一連串的結婚，甚至造人計劃。放心啦!我們懂如何做了，少擔心吧!」
如果這樣講，相信你的伯母會好開心!
母親節，當係多點應識他的家人，照樣地好似對你媽一樣，便可!買點禮物，令佰母開心一下，應該會不錯。

👍 0 👎 0