上杉謙信係咪女人?

你係唔係玩得多戰國Rance？

上杉謙信
日本戰國時代既大名﹐武田信玄宿敵。自信為毘沙門天轉世﹐軍旗亦印有[毘]字記號。
被後人稱為[越後の龍]或[軍神]。

關於上杉謙信[女性說]﹐主要都係來至一d傳說同埋俗說。
其中幾個傳說係:
①據說上杉謙信既死因﹐係一種叫[大虫]既疾病﹐即現代一種因更年期障礙引發既婦女病。
②據說上杉謙信係某幾次出陣期間﹐因為原因不明既腹痛﹐而需要守於城內﹐而每次都係維持10~20日﹐令人質疑係女性周期生理痛。
③係上杉神社發現既上杉謙信衣物中﹐發現不少全紅色﹐或由外來細滑布料織成既衣物﹐令人質疑上杉謙信對女性衣物特別鐘情。
④於上杉謙信所寫既書狀同願文﹐筆跡﹐用語都比較女性化。
⑤現今上杉謙信既畫像都係有鬍子等男性特徵﹐但係係江戶時代既上杉肖像中﹐有部份係無鬍子﹐臉更畫成脹脹﹐很有當時女性肖像畫既特質。

但係全部都係一d坊間傳說﹐暫時都未有一d實証可以証實上杉謙信係女人。