女仔學車的問題

1, 不需要機械常識, 學楂車又不是學整車.
2) 是否合格, 除左師父亦要講當時自己表現及路面情況, 私人師父和駕駛學校師父都一樣的.
3) 學25堂應該是最基本, 睇師父技術和學習者進度.
4) 咁諗都啱, 如果多顧慮去香港駕駛學院較好, 只是花多點時間及金錢.
5) 而家排期大約是二個月, 所以無咁多時間比你學, 如果第一次唔合格, 再排一個月考第二次, 除非你要考10次8次, 否則六個月內就會有牌.
6) 其實男女師父無所謂, 最緊要師父教得好, 可以問吓學過的人介紹, 因為我見現在很多女仔都學客貨車, 都是男師父教的.

1)一般學客貨車棍波要多些練習問題不大
2)駕駛學校師傅和私人師傅我都做過, 駕駛學校的師傅因為學校不段有學生供應會做成(做右三十六,唔做右三十六), 私人師傅要令學生合格先有新學生介紹(會多一些心機教授), 學校和私人師傅都會有好唔好要小心選擇
3)學客貨車棍波車一般要大約30-35堂先夠,私人師傅都有套餐, 多數要一次過比,私人師傅大約$110一課(新車)加$700租車考試
4)駕駛學校/學院既理論堂實際用途不大,因為在課室講沒有真車做實習, 學多幾堂好過!
5)排期筆試大約一個月,合格後大約二個半月,合共三個半月至四個月(如果一次合格),因為就快到暑假會多人學車請早報名, 今日排期筆試在31MAY07,如果今日合格筆試路試在22JUN07考車
6)男師傅或女師傅都一樣,不過女師傅比較少數(教貨van得四個,兩個私人和兩個學校)

1) 點解要學客貨車? 有必要嗎? 如非必要, 自己又沒有信心, 考私家車自動波最穩陣. (除咗搵食車, 好少私家車用棍波). 當有足夠路面經驗而又有需要, 才再考其他牌比較化算.

2) 只為有牌, 成功率高梗係學院學啦. 但若講實際, 搵師父教, 路面經驗會好d, 自己出嚟揸車信心大d. (我自己就學院考牌後, 搵師傅補咗堂行市區加隧道先買車)

3) 對機械熟悉? 唔係學整車喎!! 我機械白痴, 連打機都控制唔到, 成日炒車, 或行 wrong way, 激死好多人都可以一之過考到啦.
幾多堂先夠? 上到咁上下, 評估自己能力先決定加唔加堂會比較實際. 可能你朋友係天生車神, 上幾堂已經上手, 咁咪可以堅番d錢.
邊到學抵? 差唔多, 一次過pass就最抵.

4) 理論個堂係就係廢d, 但唔上點考筆試? 上完堂考試個心會定d.

5) 冇問題, 總之要考期前完成課程. 我最後一堂特登約考試當日, 師父就當日路面情況比提示 (如當日有修路工程, 壞燈, 日間和夜間車的流量都有不同...), 有心理準備, 無咁滕雞.

6) ... 並非性別歧視, 在心理上 / 路面上, 對男師父信心大d. road manner 都唔同.

唔好低估自己, 我同細佬一齊係學院學私家棍波, 我仲成日要問佢點轉波, 最後... 佢咪衰咗, 出去搵師傅補鐘, 重考自動波. 哈哈! 女仔斯斯文文, 考官印象好d, 會手鬆d.

2007-04-29 18:33:43 補充：
我考牌的是候都覺得棍波着數, 但實際是我從沒有渣過棍波, 無論在香港, 泰國, 澳洲或加拿大, d friend 全部買自動波車. 租車的話, 棍波多數是舊車, 舊車又唔敢租, Anyway, 覺得自己攪得掂, 有須要, 咪學棍波. 考試時要小心, 入錯波架車會好 cho (好似騎馬咁), 好嘈, 萬一死火就大煲喇.