CENTRO 室內設計公司是否信得過?
2007-04-23 6:22 pm
本人昨天在新世紀廣場見到呢間舖好似幾HIGH咁(CENTRO),有別於一般傢俬舖,於是就入左去同D SALES傾,個SALES 吹到佢地D質料好勁咁,雖然我知道佢比一般傢俬舖貴,但心想一分錢一分貨最緊要係GOOD,諗住佢又有咁多間分店,門面又幾HIGH,應該唔會係黑店掛,於是就落左 $1,000 訂金,但返到屋企諗諗下,始終有D擔心,我最驚係俾貴左但係原來都係一般貨色OR劣,如果有邊位朋友曾經係呢間店舖買過傢俬,請幫幫忙俾D意見!
回答 (4)
2008-06-26 6:18 pm
本人在centro花超過30萬訂傢俬及裝修，付款後才發現此公司問題多多，設計師鍾意就覆你，唔鍾意就一個星期都唔覆你，你永遠都無可能直接搵到佢地。訂造傢俬尺寸大到放唔落，多數傢俬都有問題，廚櫃做細又放唔到抽油煙機，廚櫃檯面又做得太高(好唔方便)，訂corian仿石檯面，之後又迫客人要三星。裝修就重多問題，牆身批灰批到凹凹凸凸，油漆就見晒底色。叫佢保留煮食爐拆。無叫佢拆走廊個門框又拆，本來都算數但地下留下二個窿，佢就用d白英泥補就算！另外收我5000一隻門，原來唔包門鎖。大廳做燈槽收我$8500，做完之後再比張後加單我要加多$3000入線費。廁所企缸嚴重漏水...。手工及設計都非常馬虎！
2007-07-10 4:53 pm
CENTRO 室內設計公司的料 - 劣 劣 劣 !!!
2007-06-28 10:35 pm
我都一樣面對背板發霉的問題。我于2005年1月 join buffet set ($38,800)。在沙田門市部睇時，被Sales誤導以為 Quality 好。怎想得到，這才是惡夢開始。首先，他們安装手工奇差，弄到鏍絲凸出來，非常肉酸。其次，2年內全屋傢俱背板多次嚴重發霉 (包括衣櫃,書櫃,床內儲物格,矮衣櫃)，害到我把全部衣服洗過晒。 我已無力再面對發霉傢俬，我決定把全套傢俱扔掉，3萬幾4萬買套傢俬回來用2年就扔，值唔值你哋自己決定？ _
2007-04-28 11:50 pm
唔掂! 原因一陣先講。
2007-04-28 16:18:08 補充：
本人在不足一年前在這店訂造全屋傢俬, 在送貨時己發現其中一塊床板發霉(因床板無貼木紋紙所以見到)和一張餐卓有問題。他們答應換。到上月, 又發現書櫃和衣櫃背板發霉, 打電話去投訴, 他叫你自己clean or 俾錢換板。在自己清理(用干布清潔加開抽濕機)後, 不足一個月再發霉。說實在, 只是一般家居使用(我家並不近海也不在山上, 在潮濕時也有開抽濕機), 絕不應發生這情形。根本他們的板本身有問題, 但在送貨時因板上貼了木紋紙不會發現。再打電話和他們理論, 他們強調他們的貨絕無問題, 要換板"一定"要俾錢, 不理會你的說話。你說應幫襯嗎?
2007-04-28 16:18:08 補充：
本人在不足一年前在這店訂造全屋傢俬, 在送貨時己發現其中一塊床板發霉(因床板無貼木紋紙所以見到)和一張餐卓有問題。他們答應換。到上月, 又發現書櫃和衣櫃背板發霉, 打電話去投訴, 他叫你自己clean or 俾錢換板。在自己清理(用干布清潔加開抽濕機)後, 不足一個月再發霉。說實在, 只是一般家居使用(我家並不近海也不在山上, 在潮濕時也有開抽濕機), 絕不應發生這情形。根本他們的板本身有問題, 但在送貨時因板上貼了木紋紙不會發現。再打電話和他們理論, 他們強調他們的貨絕無問題, 要換板"一定"要俾錢, 不理會你的說話。你說應幫襯嗎?
收錄日期: 2021-04-15 15:22:46
原文連結 [永久失效]:
https://hk.answers.yahoo.com/question/index?qid=20070423000051KK00766