不過隻手比一般女仔大，手指都比較長
彈鋼琴時可以跨到九至十個鍵
以前拎過支結他玩過
要按o的複雜少少o既 CHORD 都可以
想學識結他自彈自唱流行曲
好似林一峰、AT17、方大同、張繼聰o個類歌
應該買魚絲木結他定鋼線木結他好 ?
邊個牌子最好 ? 初學我唔敢買太貴，我預五百蚊左右
有冇邊間港島區o既琴行係平同埋有保證 ?
我唔想去通利或者柏斯，因為太貴喇 !!!
買結他書學可以買邊類會比較好呢 ?
另外點樣保存結他最好 ? 我屋企唔大
得少少位可以俾支結他靠牆擺
但聽人講靠牆擺唔好....
請各結他友幫幫忙，多謝。
更新1:
通利唔得呀...實在太貴喇... 我仲係一個學生，最貴都係俾到五百蚊喇... 其實會唔會係去到琴行叫個 STAFF 搵o的 BUDGET 以內o既結他俾我 然後我自己拎上手彈幾下，彈o岩 FEEL 再 CHECK 過就即買呢 ? 講真我都唔係太識 CHECK 音色，身邊又冇人識彈結他可以陪到我去揀
更新2:
有冇其他琴行可以介紹 ? 因為通利之前俾左個好差o既印象我 無論我去到邊間，o的 STAFF 態度都好差，見你唔係買就即刻行埋o黎講o的野想趕你走 而且我有個識結他o既朋友o係加拿大，佢都話通利賣到咁貴好呃錢，叫我唔好去 對我o黎講，初學五百蚊支結他已經足夠架喇，初學買支鋼線結他多過六百有點多餘... 我冇人地咁有錢，我最多只係出到五百，唔計其他配件，淨係出到五百 我親戚以前有支結他彈左十幾年，o個支結他而家都仲係賣緊六百幾，但係o的聲好清好靚 只係搬屋o個陣送左俾人....反而聽過其他人彈貴結他，出o黎o的聲反而係唔好聽囉 係越貴越唔好聽......
