✔ 最佳答案
學費係個個課程唔同, 我地係呢度係答唔到你. 通常學費都計呢, 有兩個方法:
1: 有些課程學費係跟"學期"計, (即係時間) 一個學期不管你讀幾多都俾同一個價
如果係呢隻, 通常係一個學期, 通稱sem, 去俾.
由9月到1月為第一個sem
2月到6月為第二個sem
7-8為之summer sem. summer sem唔係個個課程都有.
2: 有些課程學費係跟"學分"訐, (即係讀幾多科) 你讀得多就要俾得多, 不管你讀多少年. (可是會有時間上限, 你係上限年份讀唔完就唔俾你畢業, 之前讀既野全部付諸流水)
個人觀察覺得3萬幾咁平係絕對讀唔到成個課程, 應該係一年學費而已.
至於借錢方面, 唔係個個課程都可以借. 可以借既叫認可課程.
以我所知, 好多本港大學同外國合辦的課程都係唔可以借. self finance的都未必有得借, 可以肯定借到錢的係government funded 既課程. 你係報名之前問院校最清楚. 或者可以係以下網頁查:
學生資助辦事處 - 資助專上課程學生資助計劃 (原名為「本地專上學生資助計劃」)
課程一覽表
http://www.sfaa.gov.hk/tc/schemes/tsfsccs.htm
金額以我所知係可以借曬, 你也可以選擇借一部分.
留意借錢雖然不用出示入息證明, 不過係要有成年擔保人.
至於各大副學士課程, 如今各大專院校都有開, 實在有太多, 如果係呢度俾資料你一頁都俾唔完. 建議你去各院校的官網看.
最後俾多個建議, 選課程要看看師資, 社會對課程的認受性, 仲有升學位的機會. 唔好只看價錢, 現今有課程太多質素"極參差".
希望可以幫到你 :)
