點先會容易懷孕?

可以多計算排卵日或用工具搵出排卵日
然後係排卵日前3日, 前1日, 後1日, 後3日同老公愛愛
即係如果妳計到排卵日係day16(m黎第一日計day1), 咁妳就係day13, 15, 17, 19 呢4日同老公行埋

至於點樣計算排卵期, 有好多方法, 視乎妳的經期準唔準
如果準,可以就咁用計日子加自己睇分泌黎計排卵期
計日子方法係下一cycle倒數14日, 所以如果妳cycle有30日, 咁day16就係排卵日, 只要係day13, day15, day17, day19 呢4日dodo, 中既機會會大d~
分泌就係睇下幾時有一種類似蛋清, 可以拉到成絲的話, 那天多數是排卵日

如果經期不準, 就要用排卵棒了, 可以試下買大衛排卵紙, 羅湖各大藥房有售, 記得講價, 我試過講到120蚊100條(即一盒裝), 香港也有人代買, 妳打d仔或大衛排卵紙就可以search到了~
體溫表準唔準就難講d, 因為以前不嬲都話好準既, 就係量到最低溫果日就係排卵, 但因為有好多野會影響到, 例如訓得夠唔夠, 早左起身或遲左訓, 都有影響, 而且每朝早未起身就要含住體溫計5分鐘, 又要搵野計時, 唔係人人做得到, 亦唔係日日做得到, 當做附助工具都ok既~
仲有種就係用口水黎睇有冇排卵, 我而家都用緊, 都幾方便, 每朝早梳洗前查d口水係部野度, 洗完面刷完牙就可以知結果, 幾十蚊, 用幾年都冇問題, 有興趣就email比我[email protected]

最常用就以上幾種
如果想再準確d, 可以去d睇不育專科, 佢會幫妳照超聲波追蹤d卵子, 到成熟時(亦可以用打針谷大d卵子)就打破卵針, 醫生會suggest幾時同老公行埋, 咁就一定最準勒~~ 不過呢個花費就會多d, 私家診所做分分鐘千幾~幾千!!

再唔係就做iui(即係人工受孕), 流程大約就係先抑制排卵, 等到下次m黎之後既第2/3日就開始打排卵針/食排卵藥谷多d同大d卵, 然後每2,3日就返診所照下d卵夠大未, 通常會到20mm先會打破卵針, 打左破卵針醫生就會約時間請你先生將精子樣本送到診所, 如果老公精子report 係 pass既, 就會直接用軟管注射入子宮內, 咁精子就可以遊少一大段路, 如果老公精子麻麻地, 就會先進行洗精, 洗走d不活潑既精子, 之後先注射入子宮~ 呢個方法既成功率同自然受孕差唔多, 不過好處就係可以幫到一d排卵有問題/分泌物有抗精體既婦女, 或丈夫精子不多/不夠活潑既夫妻~~

如果試做3次iui都唔成功既話, 就要考慮做ivf(即試管嬰兒), 流程起初都一樣, 都係要打針/食藥谷大d卵, 然後到左d卵夠大勒, 就入醫院取卵, 取卵過程一定會麻醉(係小手術黎既), 然後實驗室人員就會將卵子同當日丈夫提供既精子放埋一齊, 等佢地自己結合, 呢d就係適合丈夫精子冇問題既夫婦, 如果老公精子真係好差, 就要加做icsi(單卵精子注射, 類似既名啦, 唔係好記得), 呢個都係係實驗室裡面做既, 實驗室人員會用一條比頭髮還幼好多好多既管將一條精子直接注射入卵子裡面, 等佢變成受精卵, 呢個方法可以令到即使只有幾條精子既男士都可以不用別人捐贈既精子都能夠有自己既bb!!
當卵子變成受精卵後會係實驗室裡面培育, 2~3日後就會約妳返診所放受精卵, 呢個就好簡單, 只係用軟管將受精卵放入子宮, 之後就睇下受精卵能唔能夠著床啦~~

希望幫到妳啦~~

有和好
卵子有1至2天, 如可能, 在卵子排出後走了一段路才懷孕,卵子和精子都會好一點.

而家有 D 係打針加速增加女牲卵子活動能力 , 從而令懷孕機會增加 . 而且懷雙胞胎機會率係幾高 . 無副作用 , 無後遺症 . 不過都唔平 , 好似要成萬蚊 ( 我都唔 sure ) . 係普通診所都有得做 . 我同事就係等左幾年都無 BB , 就用呢個方法 . 呢個方法而家都幾 common 架 , 而且仲有得比多少少錢 , 將男性嘅精子注入 , 個懷孕機會仲高 , 我都有個同事係咁 , 佢仲話無乜所謂 , 加上其實全部都係自己兩公婆嘅嘢 , 只係用左 D 方法去增加機會 . 而且對大人同 BB 都全無影響

計計排卵期, 一般是下次月經來之前的14天。
卵子自卵巢排出後在輸卵管的內能生存1-2天，以等待受精；男子的精子在女子的生殖道內可維持2-3天受精能力，故在卵子排出的前後幾天裏性交容易受孕。再加上排卵前後的4,5日為排卵期, 因為容易受孕，所以排卵期又稱為危險期。

聽過來人講, "做人" 時要有激情先得, 找d 新鮮感 才做吧