Polaranine Syr & Chlorpheniramine

是否Polaramine syr??
Polaramine syr含有效成份Dexchlorpheniramine 2mg/5mL,
即每5毫升含有2毫克Dexchlorpheniramine之有效成份

佢唔係傷風藥水, 亦唔係咳水, 佢係一種用o係抗敏感的藥水, 醫學上叫抗組織胺,
常用於傷風感冒引起之流鼻水(傷風感冒只係總稱, 流鼻水係傷風感冒中其中一個症狀, 請唔好攪錯)、鼻敏感、打哈痴、皮膚敏感、因氣管敏感而引起之咳嗽都得, 但都需經醫生或藥劑師確診後方可以服用, 並要先清楚本身無對呢個成份會產生不良反應, 以及正用服類似藥物時不可服用(可能會使副作用增加.

副作用(常見或偶會發生, 情況會依個人體質而定)
嗜睡、口乾鼻乾喉乾、腸胃不適、皮膚起疹或產生敏感反應、盜汗

Chlorpheniramine與Polaramine Syr 同類, 選擇其一使用即可, 切勿同時使用!!!!!!!!

2007-04-23 14:43:26 補充：
如果醫生是運用mix/combination的方法的話相信醫生巳將呢兩種的份量或比例計算好了亦相信你囝囝情況比較差少少或者醫生想效果更明顯所以才咁樣處方, 所以可以放心使用當然, 臨床上亦有醫生會將兩種或以上同類藥物一齊處方俾病人以加強其效果

2007-04-23 14:43:54 補充：
同類藥水的藥效會跟不同藥廠廠牌而有所不同(品質操控差異)這可以解釋點解其他家庭醫生所開藥水會無效但又有可能係其他家庭醫生所處方藥物成份唔同(是單一成份?!還是複方?!)

2007-04-23 14:44:16 補充：
氣管敏感跟本身體質有關, 較易受外來環境(如氣候或溫度)所影響通常好發於轉換季節時份、凍的地方(冷氣地方)、空氣較差的地方、晚上睡時都有可能會引起最重要係頸部位置一定要保暖, 少吃冰冷食物(會使氣管收縮), 少到人多車多空氣污濁的地方, 另外,白蘿蔔都會引起咳嗽(會刺激組織胺釋出), 多休息以增強低抗力, 從而去改善體質。希望解決到閣下疑慮!!!!並祝囝囝身體健健康康!!!!

2007-04-23 22:30:54 補充：
Seretide 25 mcg/50 mcg inhaler, 臨床上常用於哮喘病人或肺阻塞性病人身上此藥物有兩個成份 :Salmeterol 25mcg, fluticasone propionate 50mcg, 劑量最輕的一個Salmeterol為一氣管擴張劑 , 常用於因為氣管收窄而使人呼吸困難或氣促或咳嗽, 即係會令人順返條氣fluticasone為類固醇, 常用於因氣管敏感而引起之不適, 如氣管呼吸不順, 咳嗽等, 有抗發炎作用, 能減低氣管對外來因素而引起之敏感度所以點解你俾你囝囝用左之後情況會好轉, 明白嗎.

2007-04-23 22:32:02 補充：
想講一句, 臨床上呢隻藥並無用於4歲以下小童之報告而醫生給你的指示相信無問題, 因為用量比4歲小童來講係更少(4歲或以上之小童, 此藥每天最高劑量為每天兩次, 每次吸一下)另外, 此藥不建議長期使用, 尤其小童, 不知醫生有無同你講要用幾耐呢??常見副作用:頭痛, 顫抖, 心悸, 肌肉抽痛(抽筋), 喉部不適如長期使用有可能容易受感染, 尤其口腔內及喉嚨(因為長期使用類固醇吸劑會降低口部及喉部低抗力, 而使其容易受外來感染**副作用要視乎本身個人體質而定, 不能一蓋而論**

2007-04-23 22:41:43 補充：
想再補充一句....凡使用含有類固醇之吸劑, 0係每次吸完之後應該用清水漱口, 然後吐出, 目的係將殘留0係口內0既類固醇漱出, 從而可以減低口腔內或喉部受感染之機會記得記得記得一定要定期帶囝囝返醫生度覆診, 係有哮喘呢還是敏感同埋要問清楚係咪要長期吸呢隻藥以上內容如有未完善地方請多包涵, 希望幫到你, 令你安心d啦!!!!!!!!!!希望等天氣穩定d後囝囝情況會好轉啦!!!!

2007-04-24 14:00:23 補充：
1) Polaramine Syr & 2) Chlorpheniramine syr其實呢兩種藥係好傳統0既藥, 到現今好多醫院診所都仲用緊, 可想而知呢兩種藥既有療效, 安全性又高而臨床報告亦指出可以用於小童身上, 兩歲以上小朋友巳經可以使用或者咁講如果你怕兩種併用會太重而又想用呢兩隻藥水當作平安藥你可以選擇其中一種(藥效甘不多)相信足夠對付輕微敏感症狀不過有睡意係佢其中一個最令人討厭0既副作用如果囝囝係夜晚先咳, 你可以於睡前俾囝囝食一來可減輕咳嗽情況, 二來又可以俾囝囝訓得好d(因為有睡意)

2007-04-24 14:01:09 補充：
既然相信醫生, 就應該相信到底, 相信醫生所處方0既藥物依你所講0既, 用藥方面係無問題, 好安全的, 真的無需過於擔心最緊要跟足醫生的指示用藥.這兩天氣溫而開始不穩緊記要替囝囝保暖(尤其頸部)

2007-04-24 17:24:34 補充：
如果天氣轉 / 囝囝有氣管敏感的情況出現, 就比囝囝用Seretide, 要連續用2-3天 (不用長期用藥)不建議臨床上只用2-3天係唔夠, 或者話並不能夠有效控制你應該同醫生好好傾下, 有無其他更好0既方法去處理三天........真係唔夠....唔係咁好....唔係太欣賞.....

2007-04-25 09:45:26 補充：
同朋友傾開呢個case大家都覺得問題唔大, 最緊要唔好長期使用間唔中有事先用係無問題的至於問及是否有療程咁就要視乎係咩case, 嚴重患有哮喘而又控制得好差就可能要用耐d至於囝囝就無咁0既必要用所謂療程可以放一百個心啦 ^____^

2007-04-25 14:12:32 補充：
唔好客氣, 最緊要幫到你!!!!有名叩"平安藥", 梗係可以保你平安啦, 哈哈~~十居其九都唔會用得著。藥丸通常會有個有效期, 原裝、散裝係可以放到過期日子前當然如果保存或放置地點唔正確就會差d正確放置地方 : 通常屋企客廳櫃筒內, 溫度同濕度都好恰當(即室溫)(陰暗乾燥, 唔濕唔會曬到太陽為佳)

2007-04-25 14:12:59 補充：
藥水, 通常開左蓋之後會盡量飲晒, 常見藥水都係100ml, 200ml都夠用於一次性醫病用如果真係飲唔晒, 最多最多可以存放兩個月, 位置同藥丸一樣一般都唔需要放0係雪櫃, 除非有指示 (如針劑)溫度高低會影響藥水藥效, 室溫係最理想所以盡快將囝囝藥水拎返出黎啦!!!!!只要上次配的藥丸未過期都無問題, 可以繼續做唔會用得著的平安藥的。