買醫療保險

要睇你想保到幾多歲, 同保幾多, 駛唔駛要大公司, 定係要平.
以下係個人意見.

1) 先問係咪保證續保, 如果唔係, claim玩一次後有機會冇得續, 咁買黎做乜? 所以要保證續保, 即係要同你續仲唔可以淨係加你一個人保費.

2) 保到幾多歲? 由65至終身不等. 如果有人認為佢會短命, 咁保到幾多都冇所謂; 如果唔係, 應該越長越好.

3) 雜費同手術費保幾多? 唔駛太着眼於房租幾多, 用爆左都唔傷; 其實雜費同手術費最易用爆同最傷. 手術費唔好睇[超級大手術]賠幾多, 有d公司set到好大, 但其實好難中, 中左又未必可以私家醫院做.

4) 睇往績. 個plan做好會跟實際醫療費用上昇, 唔係過左十年八年唔夠賠都冇用.

5) 睇保費.

6) 最好加額外賠償保障, 即用爆左再賠用爆左的80%

未必可以全部都做到, 以下有一點個人喜好選擇: (最喜歡1&2號)
以下全部都係保證續保至終身/100歲
1) Liberty -- 價錢最平, 保得大; 佢雜費無上限, 仲無手術細表, 即唔會分大中小手術.
2) AXA安盛(唔係國衛呀!, 不過同group) -- 大公司, 價錢平, 佢雜費無上限, 無手術細表, 唔會分大中小手術, 仲可以加額外賠償.
3) HSBC -- 送驗身, 有醫療咭, 即入院show咭, 出院唔駛俾錢, 唔駛claim. 不過就冇人跟.
4) Prudential/BUPA -- 可以保證終身續保, 以住個plan的保額都跟實際醫療費用上昇, 追貼市場.

其實保證續保的不只保誠和保柏, 宏利也有保證續保的醫療保險,
而且又不會因某年住院次數較多, 令第二年保費增加. 另外, 宏利的醫療保險
還有額外住院保障(意思係如果你claim 爆左數, 可以在額外住院保障到claim一
筆). 其實每個人都應該要趁年輕時買醫療保險, 因為好多醫療保險都不保已有的
疾病, 例如:高血壓, 高膽固醇等. 這樣會令日後老年時的健康風險大大提高.

我自己係幫襯宏利我個人應為一個好嘅經紀係好重要，如果你都有同樣諗法，
我誠意介紹我嘅保險經紀俾你。

醫療保險,我喺AIA買,都okay.. 保障好全面..
一般只要搵個跟得好的保險經紀已足夠..最好搵相熟的朋友介紹..
其餘要睇清楚經紀給與的保障細節,有什麼時候係不獲賠償等等..

個人覺得保誠或保好d.......因為聲稱終生受保....點cam都唔會斷妳保....不過好似貴其他公司小小= =v