回鄉証過期點做?請用你地ge文字回答我plz, [20點] 快

我想問如果回鄕証過期補領的話，需唔需要帶舊症去

你可以申請快証,600蚊島,一次証5平

我同你情況差唔多... 我本回鄉證過左期10年﹐上年12月先去換回鄉卡﹐盡我所能幫你啦^^”
發現回鄉証過期已經過左五年啦, 我可以點做呢?
你舊有回鄉證過晒期﹐一定要換領新o既通行証... 即係回鄉卡... 先可以入大陸境。
係咪除左智能身份証,仲一定要有回鄉証先返到大陸?!
係﹗即使有智能身份証﹐亦必須同時持有有效回鄉卡先可以入大陸境架! 舊o個d回鄉證全部唔用得架喇... 換晒回鄉卡好多年喇!
回鄉証續期又會有邊幾種方法?
無論係申領新回鄉卡或舊證續期﹐申請人必須親身前往任何一間設有換證服務o既中國旅行社辦手續。
有一項新規定係中旅社網頁無列明o既... 但我個friend撞過板所以我知... 我12月29號去辦證﹐佢都有睇我特區護照﹐仲影印左兩份... (因為我無事前影印好)

由2006年12月1日起﹐凡申領或續期或補領回鄉卡者必須為香港特區護照持有人﹗如果你冇特區護照﹐係無法申請回鄉卡。(我希望你有特區護照啦...)
回鄉卡分兩種﹕成人證10年期﹐小童(不足18歲者)證3年期。我估你都夠18歲啦... 要申請10年期成人證。
申請回鄉卡所須文件﹕
1﹑特區護照﹑香港身份證﹑已過期o既舊回鄉證 <-- 辦證時職員會查看
2﹑合規格證件相兩張 <-- 唔接受著白色衫影o既證件相﹗你去普通影相舖﹐叫佢同你影回鄉卡即影即有就ok。雖然中旅社有即影即有服務... 但d相質素好差﹐仲要收三﹑四十蚊... 不如出街影好過^^”
3﹑特區護照﹑香港身份證﹑舊回鄉證第2, 3, 4頁副本一式兩份﹐所有文件都要用A4紙印刷﹗可以請中旅社職員代為複印﹐收費$2一張。
4﹑填妥之回鄉卡申請表。
申請回鄉卡手續﹕
1﹑一定要預先預約辦証日期﹑時間﹗每日只係派100個籌﹐預約時間由早上9時至下午4時半。如果預約額滿﹐中旅社絕對唔會為冇預約人士服務。

我上次都係網上預約架﹗你去依個網上預約website仲可以即時check到邊個centre幾點鐘有位﹐用身份證號碼及出生日期登記就可以﹕
http://www.ctshk.com/passport/apply.jsp

2﹑雖然預約左﹐到辦證o個日... 報到後一樣要再輪籌。我去o個日個centre額滿﹐等左半個鐘頭左右就輪到我﹐都算幾快^^
3﹑去到counter辦證﹐俾晒d申請表﹑證件﹑證件副本佢﹐查過無問題... 交左錢﹐佢會將一張取證回條用釘o係你本舊回鄉證度。你依照回條上所寫o既取證日期... 去返辦證o個間中旅社取證就ok.
4﹑取證當日要帶香港身份證﹐舊回鄉證及取證回條。一定要帶舊回鄉證俾佢註銷﹐否則要辦補領舊證手續﹐罰$100之餘﹐仲要延遲12日先可以取新證 -__-”
果d咩一次性ge有效証係咩泥?
依隻快證叫“臨通”﹐為需要臨時出入大陸o既港﹑澳居民而設。“臨通”批出3個月內﹐持證人可出入大陸一次。
臨通所需文件﹑證件同回鄉卡一樣﹐亦需要親身去中旅社辦理。你最好都預先預約辦證啦... 當日額滿就唔做walk-in架喇!
請提供埋價錢
成人回鄉卡﹕
有效期10年。普通證﹕港幣$390﹐12個工作天後有取﹔快證﹕港幣$590﹐5個工作天後有取。
臨通﹕
有效期3個月﹐可出入大陸1次。
普通證﹕港幣$70﹐10個工作天後有取﹔快證﹕$270﹐5個工作天後有取。
*工作天不包括星期六﹑日
---------------------------------------------------------------------------------------------------
我12月尾去辦證﹐真係12個工作天就辦妥。你星期五已經要返大陸﹐就算星期一朝早去申請快證... 都趕唔到星期五有得拎wor... =(
每間有辦證服務o既中旅社都會o係大堂貼張紙... 寫明“今日辦回鄉卡幾月幾日有取﹐快證幾月幾日有取”。不如你上網預約左下星期一辦證先... 而家襯未夠七點﹐打電話去有辦證服務o既中旅社﹐問佢... 星期一辦快證﹐幾時有得拎。如果趕唔切星期五辦妥... 咁你咪可以慳返幾百蚊唔使申請囉....

回鄉証過左期,辦法有1,你可以申請快証.2,申請一次過,即(來回只可以用一次).如果你真係急住要用,我見意你申請打電話去中旅社問,比較清楚,因為我都試過好似你一樣咁.你最好就馬上去申請,你要問職員,我依家申請快証幾時有得攞,申請只可來回中港一次既特快証幾時可以攞.佢會講比你知幾時有得攞.1,同2都係只需要幾日至一個星期就可以,中旅社星期日都照辦工,但收幾點你要打去問,你要攞舊証同相,相就最好去到先影,因為街影未必合要求,所以提醒你,唔好因小小錢就浪費時間,你遲一日就遲多一日攞,所以你要盡快去辦理.打去1083問就可以知道.

去中國旅行社,或用E道

之前我試過唔記換證,差d無得去旅行,你可到有得辦證件的中旅社辦特快證,有d快證好貴ga你要一早去取籌和帶同有關的證明文件.