看面相(20分)請大師指點!!

你不如比張相我睇啦,你講嘅同玄學上可能分別好大架.
1.腳如龜背即是腳中心有凹位,唔好扁平足爲之好.
2.手指比例唔可以長過手掌,女仕手略軟係好事,過軟不是好事主重物質享受.
3.面圓都好過甲子面至少行多两年運,其實相學上要求上,中同下三停相當,如五官大面要大,五官細面要相對地少.
4.論身材,肩要平有承擔力,要有腰但忌長,手亦要講比例,重點係頭大身要大,頭細身要細,腰,臍,腹,背同臀都要相配.
5.以上都講過五官要如面相配,但眼形要求細長,唔一定係單眼皮重要眼尾少少向上主吉多貴人.
6.論鼻要鼻形順好似滑梯咁,唔要凹凸起節,主揾錢順.鼻頭有肉心無毒,两個鼻翼都要有肉同鼻洞唔露主聚財.鼻又爲夫星鼻相靚夫運佳.
7.耳仔大細適中即是同面形相配喇,圓有肉主晚年健康好.如耳相唔靚運程都較差.
8.唇要上下一樣厚爲之吉,下唇較厚即是話你都幾鍾意買野.
以上盡你問題所答,其實看相至少手面相要同參,否則結果有唔少出入.