熱狗巴士會行幾耐先退役？仲有幾多年先會無熱狗響街上行？

香港巴士既"法定車齡"係17年, 最後一批VOLVO OLYMPIAN係95年落地, 咁照道理應該2012-13年先至全退, 仲有最大原因係政府既政策問題--其一係政府早於2000年前限制左巴士公司既車隊數目, 因此巴士公司如果想出一架新車, 必須要退一架舊車, 即係一車換一車; 二來政府近呢幾年, 為左方便推行保護鐵路政策, 夾硬要巴士公司暫停買車, 間接造成舊車退役進度減慢, 或者延遲退役日期, 以致九巴車隊仍然有四百多部熱狗使用中.

至於以環保做理由而保留熱狗, 似乎唔係好通, 首先, 上面講既車齡問題, 如果揸住環保理由而留車, 咁應該留幾多年至o岩? 二十年? 三十年? 要知道而家d"貴客", 見到架落左地兩年既巴士都話係舊車......! 第二, 批熱狗大部分都係歐盟一廢氣排放標準以下, 完全同"環保"扯唔上任何關係, 就算係尾期車, 都係歐一型引擎, 歐四標準都就黎出籠, 又何環保之有呢?

以現在既九巴黎計，一架巴士會行十七至十八年。
仲有幾多架我就唔清楚，但其實香港只係剩返好少熱狗，主要行九龍、葵青既線。只要平時留意下就會發現熱狗其實已少了很多。
一些較舊款的熱狗相信一個月內退役，其餘的我估2008年前全退，要搭就趁手，起碼第時你D仔女問起你都可以講下。

大約11至15年之間才退役,以九巴為例,有約4,200部大型雙層巴士,有1,100部為非空調巴士,在九龍及新界行走,因應運輸處及環保處壓力下,要求九巴改用環保引擎(如新車).而非空調巴士服務了一段日子,行車証將到期前一個月,則需要大驗(C.O.R), 不合格就停用,