倉鼠殘殺同類的問題

睇到你篇野真係覺得好難過,上知識+答問題,又或之前在自己網頁答問題,最怕最怕就係見到人叫人養2隻or養多幾隻,話鼠鼠咁先唔會悶,又或見到人話繁殖鼠鼠,其實真係好有問題,只係好似點講都好,冇咩人真係信倉鼠係獨居既,可能係寵物店既人講到大部份人都覺得鼠鼠係群居啦.

倉鼠打交係因為佢地本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間.

鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,唔好盡信.

熊仔鼠係由好細個已經好難一齊居住,之前不幸地買一隻返唻都生左bb,未戒奶已經打到你死我活,好彩最後一到戒奶期分晒籠,最後冇事.其實我之前去買熊仔鼠都發現,好多都係受左傷,有d傷係好細,唔係咁易見到,有d傷得緊要d就已經自己一個籠,鼠店既人會解釋成”佢地玩下,唔小心整到”,事實上見住未分籠既係咁打.都聽過好多人講鼠鼠唔打交,玩下就會,其實都係有打.

其實你而家3隻暫看好似可以一齊住,但希望你會考慮一下將佢地分籠,N年前我都試過人地送一男一女鼠俾我,最後生左bb,2隻2隻b咁分籠,將我覺得佢地最好感情既放埋一齊,初時真係冇事架,最後忽然打到頭都甩埋,死到好恐怖.所以唔係話你而家見到佢地冇事就真係冇事.可能你出完街佢地已經可以打死晒.你見過情況有幾恐怖,希望你真係會考慮下啦.

2007-04-22 00:57:22 補充：
其實我覺得唔係倉鼠要殘殺同類,係佢地被困一個地方,天性加埋壓力,做成左困獸鬥.如果佢地本身係野生既,好相信佢地唔會選擇兩隻以上咁生活.

寵物店講既唔好信咁多呀! 其實有打交你唔知o者。

我以前都有養過倉鼠，其實一開始最好買一仔一女，會減低打交既機會，但就會多左繁殖既機會，如果你買的是同性別的話，就很容易有打交場面，所以你養之前諗過先。

鼠鼠繁殖時間，會很容易於一個月內就變成15-20隻，牠們的繁殖的頻密，一胎多數都會生6-10隻，而且就算同一胎出生的鼠鼠，都有機會給鼠母咬死自己的仔女或食掉，所以更殘忍的都會發生。而且牠們是亂倫繁殖!

所以我也跟同上那一位一樣，要將每隻鼠鼠分籠養，只有爸爸媽媽才能共存。
幸好，我曾養的鼠鼠沒有咬死的情況出現，打交場面就有。如果你見到牠們在打交，就要找支筆或筷子分開牠們，別用手分開，因為一定會咬傷你的。

我曾短暫做過這類的寵物店，其實每天回店都會有被咬死的鼠bb，就算是同一個家庭所生，也會有被咬死的，更核突的也有。我也無辦法接受這些情形，所以做了很短暫時間都沒做了。

其實倉鼠最好分籠養,
唔係好易打交,
不論佢地係米一家人.
好似我感,
屋企有13隻倉鼠,
因為佢地唔啱key,
搞到足足分左12籠~