養魚新手問題.....

早兩日答你，都話左最好分開，但又估唔到居然玩啄尾。

揀魚最基本係同缸有死魚就唔好買。其他明顯病癥有：

１．白點：係一個個白點不規則分佈，側邊睇會見到突出
２．發霉：好似綿花咁一團野黐o係魚身
３．爛尾／鰭：尾／鰭邊有白色，不完整；但有個別魚種尾／鰭係有白邊o既，要留心睇
４．眼病：成個水泡咁突起，好多時得一邊突，好易發覺
５．水腫：唔好以為有左，留意其他魚比較下

呢ｄ都係常見o既病，買前最緊要睇多幾間先郁手。

你個缸如果硝化系統未成熟就似乎太多魚左ｄ。濾水器買個好少少o既，落到多ｄ濾材，水循環好ｄo既啦。

2007-04-22 01:55:47 補充：
開口合口．．．佢真係當你係中醫望聞問切喎。魚用口吸入水，水流經鰓，血就o係鰓o既微血管做吸氧放co2，水再經鰓蓋排出，呢個係魚o既呼吸方法。所以所有魚都會開口合口。但開口合口點睇到有冇病？有一種叫口棉病，好似人o既白喉咁，成口棉花入唔到水就死得。但其他病點睇？聞下有冇口臭去睇消化系統？佢一係就係高人，一係就係老點．．．

你要買D魚溫唇D例如金魚

作為新手就一定要小心黑店，係太子金魚街有很多黑店，例如:長實，麗堡珊瑚....佢地好唔老實，有問題貨品唔肯換，仲搵店內四~五個人圍住你，用粗口話你，話你買返去後整壞產品，返嚟玩野話要換，其實我都係買野者唔駛咁呀!!

其實你最好唔好將d魚放哂係同一個缸到,,
條金魚係有可能比佢地啄死ga~
d魚病ga話(反肚呀,,d麟有血)你一定睇到ge,,但係其他就唔知na~
但係我呀媽見佢地反肚或d麟有血就會放d深藍色ge藥水落去.....
唔需要買暖管定暖氣,,冬天都唔洗
你個缸有咁多條魚梗係迫得滯na~
我提議你分開養好d,,(尤其係個兩條金魚呀)
個d黑魔利同波子就最好放d氧氣珠比佢(係賣魚ge地方都有得買ga na)
如果你仲係唔放心,,你就問魚鋪d人na,,佢地唔會咁衰呃你ge~ =]