為什麼82K要全線非空調行駛??

其實，
８２ｋ無加冷既原因有幾個。

其一，
正如上面位網友所講，
８２ｋ既客量真係好低，
我早排曾經試過搭全程，
每個站都係得一兩個人上，
結果上層全程吉車添！
如果咁少客量仲加冷既話，
咁樣會造成資源浪費。

九記家陣唔可以即時全車隊空調化，
最大原因唔係區議會唔比，
係九記唔夠冷馬用，
因此要去到今年底先可以做到。
如果將ｄ冷馬係８２ｋ行，
其他要用冷馬既線仲會影響到。

其二，
８２ｋ現時既車資係＄３．６，
如果加冷既話，
冷馬既車資會係＄４．７，
如果以出旺角都係＄５．５黎睇（８１），
咁樣８２ｋ既車資真係好高下，
咁樣只會更加趕客，
因為現時好多人係因為８２ｋ有熱狗，
同埋車錢算係平先肯搭。

其三，
如果突然間全冷，
沙田區議會一定唔肯，
佢地為左市民，
咩都會做！
九記做咩佢都唔比，
好似８５Ｂ、８７Ｂ全冷，
就係區議會話運吉唔比，
最終要取消，
如果唔係，
呢兩條線一定全到冷。

個人意見，
不喜勿插。

82K 美林←→火炭火車站



本路線為沙田區內路線，提供美林、大圍、新翠、新田圍及沙角博康往來沙田第一城及火炭工業區的巴士服務，於1984年2月27日起投入服務，初時往來美林至圓洲角，途經成全路、車公廟路、沙角及沙田圍路直達威爾斯親王醫院。同年12月2日沙田區區內線重組，本路線由圓洲角延長至火炭工業區，來回程繞經隆亨及新田圍，取代第一代 86K（小瀝源至火炭）的服務，火炭車站於1985年2月15日啟用，本路線亦隨即遷往，大圍永久車站於1986年4月23日啟用後，便改經美田路往來，不再經成全路。

目前本路線已感到是被遺忘的路線，因路線迂迴、班次疏落及有其他路線可選擇，加上本路線收費比其他區內線為高*，客量一直偏低，甚少乘客坐足全程，只有在上下課時段會有較多學生乘搭。自延長路線後，初期用車主要是丹拿D型，後來曾有一段時間用亞比安豪華巴士行走，其後改用「雞」車為主力車隊，後來才改用BL、DM行走，直至最近改用三軸巴士行走。由於客量偏低，九巴曾有意取消本路線，改用專線小巴取代，但因區議會反對而被擱置。

縱使本路線大部份服務範圍與其他區內線重疊，但始終有一定存在價值，美林居民要到新田圍一帶上學，又或者到沙角一帶，都必須乘搭本路線，因為在美林一帶往上述地方，只有本路線可以提供直接服務。目前本線是唯一全以普通巴士行走的沙田區內路線。

*1984年12月本路線與其他沙田區內線是相同收費（當時為$0.80），當時全程行車里數12.4公里，與沙田往來九龍的巴士路線行車里數相約，而當時往九龍的路線大部份都是收$1.20，當年總長12至15公里的「最高准許收費」為 $1.20，本路線是收少了兩級收費標準。直至1990年九巴調整票價時，本路線開始逐步跳級去追緊收費標準，故此本路線加幅比其他路線為大，收費開始比其他沙田區內線為高，但直到今天，本路線仍未達到總長12至15公里的收費標準。

因為好少人坐(我都坐過,等n年都未有車!)所以咪比哂d[熱狗]囉