依家大學讀邊科最有前途？

你係要有前途定係有錢途呀？？？
如果你想打工搵到錢就讀finance，拿高分，再問父母拿筆錢去英國名校再讀個專D既master degree(唔係MBA)
返黎香港就見investment bank(ibank)工，起薪點都五萬多仲未計bonus，bonus都好和味，市旺時（好似而家呢兩年甘）出12, 18個月bonus閒閒地既事，一定有錢途，但你鍾唔鍾意，enjoy or not就真係唔知你，不過一定做到你死，晚晚一點幾先返屋企，朝早7am就要morning call(電話開會。。。一路搭車返緊公司時已經要0係電話開會。。。朝朝如是）每日平均得四個鐘頭訓。。。仲要你既工作真係唔係甘好玩。。。真係唔挨得既話就咪諗，挨得既話就入行挨佢十年，搵夠一二千萬轉行算了
我就覺得做生意好玩D，可能都要甘辛苦，但辛苦得黎開心，所以我覺得讀乜其實冇所謂，只要你個人夠醒，有腦，即係好似我甘，哈哈，一定搵到錢，就算我當初唔讀書，我細細個就知我一定會搵到錢，我讀書純粹係等我父母了左個心願，做下孝順仔甘解，我根本就知讀唔讀對我黎講冇分別
不過呢D野都好講性格既，如果你根本冇興趣做生意，甘就唯有勤力D讀好你既書，希望打工搵多D啦

2007-04-21 13:51:34 補充：
做律師搵到錢？唔係掛，廿年前就係。。。家陣D 0靚仔乜都唔識渣住個牌就開檔，爭到傻。。。仲邊有錢搵架，你冇睇宣傳易咩。。。0個D普通律師收幾舊水一單case，仲要甘多個partner分。。。咪制呀！做醫生？好丫。。。不過一定要做D奇呢D0個D，例如心理醫生，物理治療師，chiropractor 0個D，跟住自己開檔執業，收得勁貴，再賣埋product，甘咪搵到錢囉！一定要當生意甘run先得，香港D醫生最叻就係甘架啦，因為甘樣仲多錢過你去做大聖手做大手術！而且只係靠吹水，乜都唔洗做，來來去去都係開0個幾款藥。。。香港D醫生咪甘囉，住晒半山架！

2007-04-23 19:06:28 補充：
朋友，其實你大慨知唔知你自己既目標係D乜？不如我俾三個choice你：1。你好有理想，好知自己想做乜，搵唔搵到錢唔重要，死唔去就得，最緊要做得happy，窮風流都唔錯（不過我直覺上覺得你唔係呢隻，因為你問得出呢個問題，都證明你個人冇乜方向，冇乜特別既理想，或者就算有特別既興趣，你都無法放棄物質生活）2。好似以下0個位0岩0岩學識英文既師弟甘，搵份"應該唔難搵既工"黎做，你應該會生活得唔錯，一定夠結婚供樓同生仔，一年去一兩次旅行，有錢淨黎買下股票消磨下時間，其實做人做到甘都唔錯，真係人生何求呢，舒舒服服過一世係好幸福的

2007-04-23 19:07:01 補充：
3。做生意！雖然冇得成日同Dfriend出黎we we wa wa，但係工作比到你既滿足感係幾多錢你都唔會賣，而且成功感外，仲會有好好既物質回報，你每天起身都好有目標好想開始工作，晚上上床訓覺時你會好累，帶住笑容好快就可以入睡，你會有一個好積極同充實既人生，係冇人會明白固中既樂趣，可能佢地只會覺得你唔識享受，甘辛苦做乜，但係佢唔會明白你其實0係度享受緊佢地無法體會既野。如過你既答案係1，sorry我真係幫唔到你，我只會祝福你，因為你條路唔會易行。

2007-04-23 19:07:20 補充：
如果你既答案係2，好好，我亦支持你去讀finance或accounting，兩者其實分別唔大，出黎既行頭冇乜分別，最多公司會要求你在職時補讀返D課程，跟住一路考牌考好多年。。。不過如果你係揀呢條路，又想比其它同行叻，我真係真係勸你去名校讀埋個master（唔係香港0個D…），因為如果你想入ibank，你冇個master真係會好”刎”，而且唔係名校人地都唔show你，雖然去讀名校唔會平，但回報一定好高，如果你走到入goldman，好彩市旺的話，做個frontline analyst，分分鐘你第一年既package已經過1 mil了。

2007-04-23 19:07:57 補充：
如果你得個bachelor，可能你只可0係銀行做個middle office，叻D既就入D MT(management trainee) program，不過以我所知大行多數請回流/留學生，sorry，財金界的確係好現實。或者去big4 accounting firm(kpmg, pwc, etc)做個auditor或者tax consultant，starting大慨萬零，但年年有得升，做三年左右拿了牌就差唔多三萬零蚊，

2007-04-23 19:08:05 補充：
不過就得一個月bonus，真係好慘（當你D friend 0係bank拿緊十二個月bonus時，你就會feel到個分別），多唔多就睇下你心頭幾高。。講真，一個月供二萬幾蚊樓又係甘供，供五六千又係甘供，冇話夠唔夠既。。。你自己考慮清楚。。。如果你揀3，恭喜你，你將會有個充滿挑戰好玩既人生，不過做生意呢樣野係冇得讀，係講sense屎，睇下你平時對商業既野sharp唔sharp，同埋自己本身既圈子都好重要，未必人人都會成功，但唔試過又點知？點都好我衷心祝你會搵到適合自己既路。

很準的免費8000字測驗，讓你了解自己的能力、事業、愛情

這個答案說不定對你的問題有幫助喔

因為很多問題起因，都是因為不了解自己所產生

有興趣的話，免費算一下八 !!

網址: http://www.life-guide.com.tw/free.php

我永遠都覺得讀醫最有前途, 因為做醫生可以幫到人, 自己出來執業仲可以搵到好多錢, 有前途、有錢途、有意義!!

醫生, 律師, 會計師