冰鮮鴨的簡單煮食方法?

蒸咸鴨

做法 :
1. 洗淨鴨後, 以鹽醃勻全隻,
2. 隔水蒸熟, 斬件便可.
(我阿婆同阿媽都有咁整e味送, 只要醃得夠咸味, 一定好好食. 而且非常簡單)


子薑炆鴨

做法 :
1. 子薑刮皮, 切薄片, 以鹽醃一會, 然後用水沖淨隔去水份,
2. 以白鑊(即唔使落油)烘乾了薑(不要太大火), 備用
3. 鴨斬成細件,
4. 落油爆蒜頭及薑, 及落2-3湯匙柱侯醬, 爆香後放入鴨件炒勻, 然後加水
5. 以中慢火煮至鴨開始熟時, 加入子薑, 再煮一會至鴨全熟便可.
(子薑當造時, 我阿媽成日都整的, 送飯一流呀)

芋 頭 燜 鴨


材 料 : 1 隻冰鮮鴨
3/2 斤芋頭
2 磚南腐乳
2 湯匙麵豉
1 大個蒜茸

做 法 : (1) 把鴨洗乾淨，將南腐乳、麵豉、兩茶匙鹽、
四茶匙糖及少許麻油、胡椒粉及蒜茸撈勻，
然後塞進鴨身內外和塗勻全身。
(2) 放兩湯匙油及數片薑片爆香鴨身，爆至金黃
色後將剩餘材料放下，之後再加兩湯碗水，
燜約四十分鐘至一小時，然後放入已切塊芋
頭，再燜十分鐘至芋頭腍即成。

冰花梅醬炆鴨
首先把鴨切大件洗淨瀝乾，用薑片起鑊把它煎香，
之後加入冰花梅醬 (超市有售)，老抽及蓋過鴨的水份，
用細火炆30分鐘，試試淋軟度是否適中，(若仍未淋，再炆一會便可。)
試味後，便可上碟，用廚用剪刀剪成件便成。