雪撬 急!!!!!!!!!!

自來既意思係咪即係佢係流浪狗，而你執佢返來養?
係唔係都好啦，總之新狗返來，首先如果你屋企有其他狗或者小朋友，一定要分開，因為隻狗屙有好多可能性，其中一個可能性就係佢有腸炎或病毒性腸炎，如果係後者既話，都幾嚴重，一般無打齊預防針既狗都容易感染，死亡率有80%以上，屙出來的東西會帶腥臭味;而普通腸炎都會對生命有威脅，會屙甚至嘔，無意欲吃東西，精神越來越差，皮膚拉起來乾爭爭，脫水...你應該快D帶佢去獸醫處檢查，最好check下佢有無精片，如果有就要通知漁農署，人地唔見左隻狗好慘架，如果嗰個人真係唔要隻狗你咪收養隻狗囉

仲有一點，就係呢種狗確實腸胃真係唔太好，而且好偏食，熱天既時候會無咩胃口，所以時日都好瘦，做佢主人既話就要多留意一下喇!
另外仲要一提，千析唔好立亂比人藥佢地食，唔好以為比少D份量就無事，佢地既代謝同吸收與人類不同，不吸收既藥會使佢地肝中毒，甚至死忙，比起來你唔比佢食好過咁樣毒死佢。

仲有，你可以試下先幫佢空肚，唔好比野佢食12小時，只比佢飲水，水可以加D葡萄糖，之後第一餐比D咩都無既白麵包佢食，再下一餐就比咩都無既白飯或麵包，呢個方法係幫助佢個腸胃休息，記住唔好比佢食其他野住，如果情況有好轉，遲D可以慢慢轉返食糧，不過唔好寶路西沙就得喇

2007-04-21 11:14:04 補充：
建議你最好係咪都要帶佢去比獸醫檢查一下好D，如果你嫌貴既話，索性call漁農署帶走隻狗，你要知道養隻動物除左要愛心，仲要資金，你要有心理準備養隻狗同你養多個人無分別

肚屙就吸收唔到營養,身體會不停差落去...
白飯同雞肉(急凍雞柳)容易消化,當中營養成份亦較易吸收,並非止屙, 只係叫做有營養保住健康唔會差落去..."自來雪撬" 你唔知佢食開咩狗糧,一下子換左狗糧好多狗狗都會消化不良肚屙...我會用三份一幼犬狗糧加三份二白飯加一條煮熟雞柳剪碎撈混, 少食多餐, 飲用白開水, 多留意大小便情況, 如有好轉可慢慢增加狗糧成份減少白飯同雞肉比例,調減進餐量,直至完全轉食狗糧, 一個月後可再按比例轉食成犬狗糧喇 ! 祝身體健康, 早日康復 !

其實雪橇最大既問題係腸胃唔好~好易肚痾
可能係佢lam到D唔乾淨既野
又或者而家食緊個隻糧唔岩佢食
我而家隻雪橇女都係咁, 有時連飲水都會肚痾
不過最緊要睇下佢D便便, 有冇血有冇虫
你可以比D杜虫藥佢食....
亦都可以去寵物舖買支止痾奶比狗狗飲
一日2次, 攞支針筒唧比佢飲...
如果情況持續當然最好帶佢睇獸醫
因為唔知係唔係腸胃炎....
曾經聽人講過話白飯撈白恰雞肉比狗狗食都可以止肚痾
不過我就未試過...
通常少量多餐餵佢會好D...

屙的原因有很多，好多時會因為食咗唔乾淨的東西而引起，又或者狗糧唔適合等．
建議如持續多２天，帶佢去睇獸醫．
避免水份過度流失，記得比佢飲多些水．
希望佢無事．．