好多問題都諗唔通

我大你好多，你呢個問題我都諗左好多年了
死係結束 (白痴都知)
如果你明白生命到最後是死亡
那麼你應該珍惜現在

另外人生存是基於基本須要
食．性
為左呢兩大基本須要，人們會努力工作，爭取名利
你試下一日一夜唔好食野，你會感受更深

超過六十位死後還生經歷者還生後對『死亡』及『人生意義』的領悟都被記載在一本名為『死後還生之謎』的書中，以下是書中的節錄：

經歷過瀕死而從瀕死中得智慧的人（這裡稱為有超宇宙經歷的經歷者）敘述其實一切都是公平的，每樣事情的發生都有着極大的意義，只是在世上的人暫時不曉得，待他們死後，這一切意義都會顯明出來。那些經歷者把這些意義帶回世上，預先為我們揭開。死亡的真正意義是要把傷痛帶給死者身邊的人，使他們從傷痛中學習，從而得到靈性的成長。年輕夫婦誕下天生有缺陷的孩子，是要為這對年輕夫婦帶來學習的機會，使他們從艱苦犧牲中得到靈性的成長。

據經歷者述，我們的父母是於我們轉世前自己替自己選擇的，我們為着自己定下了一生的意義，目的是要透過轉世，在世上有機會從待人、愛人，忍耐及寬恕中學習無條件的愛以得到自己或別人靈性品格的成長，從而在死後可進入比之前更高的共鳴層，而天堂是共鳴層次最高的地方。

轉世帶給自己機會，去再嘗試克服前生不能克服的困難；若我們前生傷害過別人，我們在轉世前會安排自己來世被傷害，從而體會到當中的痛苦而使靈性成長；自殺的人若選擇轉世，他們選擇來生的經歷會引領他們重遇前生的困難，而嘗試再克服它。在死後的人生回顧時，創造者 會問：「您對我賜予的寶貴生命做過什麽？」對於這個問題，您會得到答案。

我們今生的際遇是自己為自己選擇的，所以，毋須埋怨蒼天。

若要於死後更好，在世時要發揚不自私的愛。

在世上的目的，是要學習愛人如己。

天堂是永遠的家，世上只是學習的地方。

人在世上重大的工作是要愛：愛大自然、愛動物、愛人…愛是尊貴的，任何表現愛的行動：一個笑容、一個鼓勵、小小的犧牲，都可使我們的靈成長。

生命的意義不是對某事之追求，而是在於你怎樣對侍其他人。

其實你細心再想,你就找到答案,我也有你這個問題,為什麼生存,我的父母都已離開我,這個世界對我來說只有寂寞,但是放鬆自己,是有用的,有問題不防同朋友和父母講,他們是好樂意聽的.

你有d似我,我係2年前都係好似你咁樣諗野,不過我信左天主教。拿 係天主教角度去睇,人生存係為左要係死後得到永生,冇錯,人係呢個世上最後都會死,但係在你出世到死亡這段時間,就係比你去做善事,然後死後去得到永生。 係第二個角度去睇 人最後係會死,所以係呢段時間你要做d令你快樂既事,你覺得有意義既事,直到你死為止,咁你死都死得眼閉,覺得呢個人生係好圓滿,好滿足。 你媽叫你去信教,當你係去信天主教,你有冇去過彌撒?有冇睇過聖經? 如果冇既,你真係要睇,睇完你就唔會再講你問題未解決。 你唔明人點解要生存,我係上面答左你。你做事提唔起勁,你媽話你做人冇目標,佢話得你岩。你話你自己搵唔到,係,你自己係搵唔到,因為你跟本就冇去搵,唔係叫你去挖地搵,你爸媽冇發掘你興趣,你自己唔識發掘嗎!?佢唔挖,你自己唔識挖呀? 你自己諗諗你喜歡咩活動,你鍾意運動?音樂?比較靜態還是動態?呢個世界有咁多野你做,你點可以問人生存係世上做乜! 唔通走去罵你爸你媽做咩要生你出黎係世上受苦!? 生得你出黎,就有你既人生意義,有你自己既一條路去行。你企得係呢個世上,就一定有你自己既天分,只係你自己冇發挖到.或者你真係挖唔到。唔好再話點解要生存,積極d,你爸媽唔生都生左你,你自己都冇得選擇,你既生存已經係事實,與其係度怨,不如參與多d活動,識多d朋友,再唔係,加入教會大家庭,到時你會覺得你可以生存係呢個世上其實係一件幾咁幸福既事。如果你鍾意運動,不妨跟下d教練學下波,話唔定會好似我咁, 係打波搵到人生意義~ 希望幫到你啦!!~

照你以上的講法, 我都覺得你沒有甚麼目標
其實目標都好廣泛架
唔駛話一定要做到怎樣怎樣...
你有沒有甚麼興趣?
例如想學琴, 睇書, 做運動這些消磨時間的課外活動
這些活動雖然不是甚麼偉大的目標
但最少你有精神寄托
可能你會係學其他興趣班時搵到樂趣呢

我知道人必經一死
但你有沒有享受過人生, 唔係話人始終有一天會死
我地就咩都唔做.
我自己覺得人生一定有苦有甜
就是因為辛苦過唔開心過, 當你遇到開心時才會覺得開心
如果不是的話, 你沒有比較, 怎樣才知道自己開心

爸媽沒有發掘你的興趣, 可能只是沒有強迫你學這樣學那檥
如果他們強迫你學一些你不喜歡的, 我相信這樣你會更辛苦
你看看現在年紀比你小的小朋友, 很多的父母都會要求他們學其他知識 (不論靜態還是動態)
甚麼音樂呀, 英文, 運動
基本上一星期7天都有課外活動, 有時想休息一下都沒有時間
試問一下, 如果你不喜歡的, 但你每星期也要做, 這樣不是更辛苦嗎?
如果你真係有興趣學某一樣野, 你可以同你父母商量一下
可以去學, 又可以有寄托
最少唔係人地迫你的

我相信日後就會好一些的
希望你可以諗通啦

人係一種愛自尋煩惱既人
我覺得你諗咁多都無用..因為你呢個問題
"其實我真係想問 人最後都唔係會死架咩-->做咁多野做咩"根本無答案
但我可以話你知你在生時做既野係可以影響到人的

從來無人話過所有父母都會去發掘子女既興趣
相反...好多子女被迫去學這學那...時間表排得密密麻麻
那些活動又係咪真係佢地既興趣呢

興趣, 目標係需要你擴闊自己既生活圈子
接觸外面既世界多d先會發掘得到的
淨係憑你呢段野...你只係一個喜歡打online game(可能這是你唯一的興趣)
同埋鐘意胡思亂想既人....我就覺得呢兩樣野只會令你越來越唔知自己想點

不如你去做下義工啦...