想去澳門....

你想去的地方介紹如下:
1. 小型賽車場: 位於路環石排灣公園, 費用如下:




3 匹半小型賽車(只供小童享用)

10 分鐘
$ 100 / 位

25 分鐘
$ 200 / 位

60 分鐘
$ 400 / 位




9 匹小型賽車(供一般成年人享用)　

10 分鐘
$ 100 / 位

25 分鐘
$ 200 / 位

60 分鐘
$ 400 / 位




20 匹小型賽車(供有小型賽車駕駛經驗人仕享用)　

30 分鐘
$ 500 / 位

60 分鐘
$ 800 / 位

早上10 時至下午6 時
$ 1300 / 位
可以乘去路環的巴士, 在石排灣公園落車, 望過對面就見到, 亦可以乘的士去, 除此之外, 亦有接駁車:
　　小型賽車場提供來往港澳碼頭和車場之間的免費穿梳巴士，穿梳巴士車身印有小型賽車的的圖樣，很容易識別。中途可於文華東方酒店、葡京酒店和凱悅酒店上落車。車程大約25分鐘，星期一至五由早上10時30分起由港澳碼開出，每小時開出一班。星期六、日及港澳公眾假期則班次加密至每半小時一班。
澳門 (853) 28881862 香港 (852) 2517 3933
2. 漁人碼頭:
位於港澳碼頭旁邊(步行5分鐘), 有火山爆發睇, 亦有少量機動遊戲, 有靚景可以影相, 亦有很多著名的食店, 有一個不大的賭場(巴比倫), 有一間好有歐陸風味的新酒店－－萊斯。
3. 值得去的賭場:
1. 由港澳碼頭出發, 行5分鐘到達漁人碼頭, 隔離就係金莎, 再一直行7分鐘就係星際, 再隔離就係永利, 對面就係葡京, 再隔離就係新葡京, 以上都係有特色, 又易去的賭場, 但記住小注怡情, 大賭會亂性。
4. 應該住邊間酒店: 其實我覺得氹仔都唔會唔方便, 只要近住巴士站, 3.3就過到澳門, 但我唔知你想住得豪d, 定係平平地, 我都係介紹一d 大眾化的, 如果想住豪d再問
氹仔我推薦呢三間:
1. 金都酒店: 平的5星級, 新開冇幾耐, 有多條路線接駁到關閘,四面佛,碼頭, 約6xx元
2.駿景酒店: 方便抵玩, 算新淨,開了兩年幾, 附近有巴士站, 有超市, 對面是馬會和四面佛, 約4xx元, 有接駁車到碼頭, 不過班次不多。
3. 格蘭酒店: 方便抵玩, 新淨,開了一年幾,附近是官也街(最手信和食野), 約3xx元
千萬不要住新世紀, 已經好殘
澳門:
1. 皇家金堡: 後面是新八佰伴, 再附近是港澳碼頭, 前身為南粵酒店, 之後重新裝修, 至今約2年, 算新淨, 就腳, 約4xx元, 在澳門算抵住。
2. 利澳: 裝修唔錯, 但比較小, 價錢都唔平, 約6xx元
揼骨: 真係冇乜特別推介, 氹仔有幾間細細間的。
如果真係想揼, 可以順便出珠海玩, 一出關口, 地下商場大把野食, 平靚正, 對面街已經好多好大間的按摩(正經的), 其中以益健最大最出名, 又係平靚正。如果想順便住埋一晚, 在益健10點之後按兩小時可以免費過夜, 或者可以在關口向左望就見到的金葉酒店, 2xx元, 三星級。

要看你的budget 有幾多, 我上次去是經濟自由行, 住氹仔的酒店平d, 但下下都要搭車回市中心, 住永利,新葡京, 金龍...貴d, 但就近, 在澳門船碼頭右手邊有旅遊局, 可以取資料或問職員幫你plan行程, 出了碼頭右手邊個亭度買澳門通(類似八達通)50元按金, 另入錢50元, 便可搭澳門巴士周圍去(幾個人一齊嘟同一張咭都得, 費事入錢)走時在碼頭取回尾數及按金, 澳門很細, 搭巴士到各景點很方便, 晚上永利酒店外有噴水表演, 漁人碼頭亦有噴火表演, 免費, 值得看, 賭場個個都又大又靚, 看你的定力如何, 聽講金沙有很扺食的自助餐, 氹仔大利來記的豬扒包要下午3時才出籠, 早去冇得食, 我冇玩小型賽車及揼骨, 請第二個答你.