金魚+波子+黑魔利一齊養....(新手問題)

2007-04-21 2:38 am

其實我第一次養魚所以咩都唔識
買魚果陣個老細話佢地一齊養都唔怕唔會打ge
我就買左個一呎*半呎既細缸...老細話除左金魚其他魚都唔會大...
買左個濾水器佢話有埋氧氣....買左魚糧

其實我重有咩要買?使唔使買d飾物掉落去裝飾?
d魚會唔會悶?每種魚買左兩條....
點分男女???
重有呀...我買左個叫(新水定)既野.....個老細叫我新缸要加d新定水落去
但我唔知係咪次次換水都要加果d"新定水"落去......
因為個老細只係叫我換水換半缸冇講其他....
養魚係咪要用有燈既魚缸好d????知唔知盞燈有咩用?
冬天會唔會凍死d魚?夏天又唔會熱熟左條魚?
對唔住呀...我第一次養...咩都唔知....我好驚養死佢地...
教下我丫唔該各位.....

回答 (1)

keith

2007-04-21 7:27 am

✔ 最佳答案

冇錯，呢ｄ魚唔會打，最多如果兩條都係公會追逐，但唔會打到死。但金魚唔怕凍，波子、黑摩利都係熱帶，冬天要暖管。最好分開。濾水器要有生物環，水先過白棉濾走大粒垃圾再經生物環、生物棉，由細菌清理氮化物。

未用過新水定，但化學品唔建議用，因為會積o係魚缸；其實水放o係桶中隔一夜，氯氣走哂就ｏｋ，打空氣可以加快過程。

飾物係個人品味，但魚最鍾意係天然野如水草、木、石。但金魚會食草，要種就種ｄ硬身ｄo既，如鐵皇冠、水榕，可以用魚絲扎o係木上面，一個月左右ｄ根就會抓實舊木。

有燈既魚缸（套缸）方便，但如果養耐左有要求就會嫌唔夠，因為器材包哂冇得換。

波子、黑摩利都係胎生，可以留意臀鰭，如果一大塊o既係母，成棍狀o既係公（已演化成外生殖器）。

👍 0 👎 0

金魚+波子+黑魔利 一齊養....(新手問題)

回答 (1)

金魚+波子+黑魔利一齊養....(新手問題)