什麼性格的女生，你會較喜歡？

個個人都有唔同喜好,
我講既只係我自己意見,你唔好當係所有人既諗法喎.
你所指既係做朋友定係做男女朋友既女仔呀?
先講明,唔好為左討好人地,就改變自己性格.

其實做朋友又好,拍拖又好,
都係鍾意差唔多類型架喇.
不過做朋友,可以同d好男仔頭既女仔稱兄道弟,
但拍拖就唔可以同個男性化啦,咁會好似搞基咁.
先講外表啦,靚就最好啦,
就算唔係好靚,起碼都要順眼,
唔好咁烏where,頭又唔梳,蓬頭垢面咁.
最好就整齊乾淨,長短頭髮唔重要,
都係整潔就可以.
不過男仔多數鍾意長頭髮女仔既.
最好就唔好蛇頭鼠眼,好陰濕咁.
當然,內在都好緊要.
好廢話講句,心地要好.
不過而家d人都好少會好衰格既.
有d男仔鍾意d斯文女仔,小鳥依人,好溫柔,
因為想保護佢嘛!
但我覺得斯文係好,但係唔好真係靜到粒聲唔出,
份人要開朗,有時活潑d都好,唔好咁憂鬱.
即係最好係動靜皆宜啦,好開心,健健康康.
咁呢d女仔咪可愛囉!
要玩得,如果會有時怕下醜,面紅都好得意.
你講既細心都係重要,同埋要率直就好啦.
基本上,你講得出既優點或者美德有齊就最好.
但係世界冇人完美既,唔好發姣造作,純真就最好.
其實人夾人緣,有時其實投契就可以啦.
仲有,佢最好就有良好品德,
唔好食煙,唔好講粗口,唔好咁粗魯啦.
似番個女仔就係好女仔啦.

我自己比較鍾意青春同有活力

有小小惡,野蠻任性,同比較有才華勤力ga女仔~

樣子~唔係大問題

如果我係男仔,我諗我會中意d男仔d ge女仔~

小鳥依人得嚟又唔癡身就最理想啦

心地好
善解人意
開朗
溫柔
細心
不講人是非
對人有禮貌