男女之間的問題

愛情呢樣野係好飄渺既，每個人追求既愛情都唔一樣，正因為咁，而令到今時今日個社會d人結左婚又要離婚、離左婚又要結婚，但係同一時間，一樣有情人可以長廂廝守、白頭到老！

點解會咁既呢？因為有人追求既係一剎那刺激感覺：女的可能因為鍾意比人追果刻感覺，而當佢厭倦左果個佢唔係真係鍾意既人，而又有另一男人在追佢，佢咪會有機會移情別戀囉！同樣放在同一種男人身上，當佢已經成功將"獵物"追到手而又有另一目標出現，咁咪又會去偷偷追佢囉！追唔到就對方都唔知有事發生，追到咪分開囉！當然亦有人甘願做人第三、四、五者，咁就要睇佢地既造化喇！亦有情況係男女雙方都係同樣咁既人，咁佢地又可能會結婚架喎！大家玩厭左都會返返屋企咁，真係拍戲咁架，咁樣可唔可以維持到一世呢，又個別而論喇。

有人追求既係有人陪自己既感覺：呢類人怕寂寞、怕孤獨一個，所以就算有自己唔鍾意既人同佢一齊，0係佢未搵到真正鍾意既人既時候，佢會選擇yes。到佢遇到喜歡既人，佢好可能會為左咁而同佢分開，咁就要睇下佢地之間既感情有幾深，同埋果個人自己既選擇。佢捨唔捨得為左另一個唔知結果會係點既人而同佢本身果個分開呢？定係佢好sure自己冇法同果個佢唔鍾意而又對佢好既人過一生呢，而去選擇新既一個，or寧願自己一個，放開手由大家過大家各自既生活呢？

其實同真正鍾意既人一齊，結果係咪會真係如童話咁好？可能有人選擇同一個對自己好既人一齊架，只要佢個心一日都係咁諗，而對方又真係對佢好好喎，咁咪一世囉。

都係果句，你點選擇，你就要承擔自己所選擇既生活、後果，只要自己唔覺得後悔，唔好理旁人點諗喇！

唔係所有情侶都付出100%去愛的,,有d鍾意被愛,有d鍾意愛人,視乎你與他一齊的時候感覺如何？ 舒服無憂的就繼續,個心有d抗拒,就分手啦,除左你有青春外,人地都有的。

你一開始對佢冇feel的話就唔好同佢一齊啦~你同咗佢一齊之後先慢慢鐘意佢的~呢d係感情~同愛情係唔同的~你對你所有的男女性朋友都會有感情~但唔係每一個男仔都會對佢產生感情架~所以唔好為咗個一段感情而放棄一段愛情呀~

愛情係你好享受大家在一起好開心和唔開心過日子.而你唔喜歡佢又同佢一齊唔單止浪費青春也浪費自己時間.如果你同佢一齊之後覺得好矛盾係你未瞭解清楚你自己到底有幾鐘意佢或者佢對你好唔好之類.你同佢有綠份先至可以在一起,你不如用多少少時間再瞭解大家性格,如果真係唔夾咁同佢講清楚不如大家和番好朋友.你不如搵朋友同你一齊分折吓.

愛情, 係兩個血緣上沒有關係的人, 雙方可以以對方為先.... 為對方著想, 對對方好..... 而唔會計較大家付出多少.... 而且, 又可以好親蜜咁接觸....

唔愛都一齊, 當然浪費大家青春同時間啦....

但如果之後有感情, 都已經足夠了....

其實, 你唔應該計較當初究竟自己係咪鐘意佢.... 有時唔係要大家都一見鐘情, 先至可以開始, 亦唔係有"一見鐘情", 就可以永遠相愛... 最重要係, 呢一刻, 如果你地之間有問題, 係咪可以解決? 解決到, 而且又有感情, 咁就繼續落去囉....

NO矛盾姐~
My gril friend she like Ho B him T^T no me T^T