✔ 最佳答案
按照聖經舊約裡上帝的應許,話將來會有一個大衛的子孫要興起,去拯救百姓,呢個身份舊約叫做彌賽亞,係希伯來文譯音,英文係 Messiah,而希臘文就叫做 Xριστω,英文係 Christ,即係基督,意思都係解救世者。
舊約聖經入面,上帝已經應許左會有新約,因為公元前 586 猶大國滅亡之際,上帝應許會跟子民再訂立新約,呢件事就記載晌耶利米書31章31節:「耶和華說:『日子將到,我要與以色列家和猶大家另立新約,不像我拉著他們祖宗的手,領他們出埃及地的時候,與他們所立的約。我雖作他們的丈夫,他們卻背了我的約。這是耶和華說的。』」咁耶穌來的其中一個目的,就係要成為全人類與上帝立約的代表。路加福音廿二章可以睇到呢件事.....耶穌話:「這杯是用我血所立的新約....」
舊約聖經的形成,係因為以色列國被滅,眾人為要保存國家文化、文字同宗教,所以就將呢d經籍蒐集成書,由一向靠口傳的傳統,轉成為抄錄經書,所以就有了舊約聖經,今日猶太人依然用緊。佢地叫做 TaNaKh。現今沿用的新約聖經其實係去到公元 451 年先至成形,經過幾百年,好多次眾教會的代表舉行會議,去確立正典書目。唔係耶穌一來就即刻有。
耶穌,根據聖經的形容,係上帝懷中的獨生子,亦係上帝向人的彰顯,因為從來沒有人可以直接面見上帝(約翰福音)。耶穌更加係「與神同等」(腓立比書)。耶穌又係上帝派來的羊,為世人贖罪(約翰福音)。耶穌復活升天後,坐在上帝的右邊,為眾人祈禱。(馬可福音、使徒行傳、羅馬書、以弗所書、歌羅西書、彼得前書)
耶穌來到世界,目的就係要經歷苦難,上十字架完成上帝救贖人類的計劃(希伯來書)。